Umurwanashyaka wa Green Party yaburiwe irengero

Yanditswe na Mathias Hitimana
Kuya 29 Mutarama 2013 saa 03:44
Yasuwe :
0 0

Ishyaka ritaremerwa mu Rwanda “Green Party” riratangaza ko ryabuze umurwanashyaka waryo witwa Omar Leo.
Omar Leo wari ushinzwe itumanaho mu ishyaka riharanira Demokarasi n’ibidukikije ngo yabuze taliki ya 15 Mutarama 2013; asanzwe atuye i Nyamirambo; Umujyi wa Kigali.
Umuyobozi wa Green Party; Frank Habineza yatangarije ikinyamakuru Izuba Rirashe ko batewe impungenge nibura ry’umurwanashyaka wabo.
Ati “Impungenge ntizabura ariko ubu twandikiye Polisi kugira badufashe gukora iperereza; (...)

Ishyaka ritaremerwa mu Rwanda “Green Party” riratangaza ko ryabuze umurwanashyaka waryo witwa Omar Leo.

Omar Leo wari ushinzwe itumanaho mu ishyaka riharanira Demokarasi n’ibidukikije ngo yabuze taliki ya 15 Mutarama 2013; asanzwe atuye i Nyamirambo; Umujyi wa Kigali.

Umuyobozi wa Green Party; Frank Habineza yatangarije ikinyamakuru Izuba Rirashe ko batewe impungenge nibura ry’umurwanashyaka wabo.

Umurwanashyaka wa Green Party umuryango uvuga ko wamubuze

Ati “Impungenge ntizabura ariko ubu twandikiye Polisi kugira badufashe gukora iperereza; abaturanyi be batubwiye ko bamubuze uhereye taliki ya 15 [Mutarama 2013];”

Habineza yongeye ho bamenyesheje n’izindi nzego zirimo Ministeri y’umutekano mu gihugu; Ministeri y’ingabo; urwego rushinzwe umutekano w’igihugu(NSS) na Komiseri mukuru wa Polisi y’igihugu.

Polisi ivuga ko itaramenya amakuru y’ibura ry’uwo muntu; Umuvugizi wa Polisi y’igihugu Supt. Theos Badege yatangarije Ikinyamakuru Izuba Rirashe ko umuryango wa Omar Leo utaramenyesha inzego z’umutekano ibura rye.

Supt. Theos Badege ati; “Ayo makuru y’ibura ry’uwo muntu ntabwo tuyazi; twebwe dutangira gushakisha umuntu iyo umuryango we cyangwa undi wese ubifitiye uburenganzira atwiyambaje. Ikibazo cyose tukimenya ari uko binyuze kuri sitasiyo ya Polisi.”

Polisi ivuga ko idakora iperereza ku ibura ry’umuntu iyo nta wabigaragaje bafitanye isano.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza