Kwamamaza

Umuryango Care International wiyemeje kumvikanisha Jenoside yakorewe Abatutsi mu mahanga

Yanditswe kuya 12-04-2013 saa 15:34' na Deus Ntakirutimana
     


Umuryango Care International watangaje ko ugiye gukorera Abanyarwanda ubuvugizi ku bihugu n’imiryango mpuzamahanga ikumva neza Jenoside yakorewe Abatutsi mu Rwanda n’ingaruka yagize ku bayikorewe, isaba ko babegera bakabafasha.
Nduwamariya Jeannette Caroline, umukozi wa Care International ushinzwe itangazamakuru, yatangarije IGIHE ko nyuma yo gusura urwibutso rushyinguyemo imibiri y’abazize Jenoside rwa Kigali ku Gisozi bwa mbere, kuri uyu wa Gatanu tariki ya 12 Mata 2013, ko ibyo (...)

Umuryango Care International watangaje ko ugiye gukorera Abanyarwanda ubuvugizi ku bihugu n’imiryango mpuzamahanga ikumva neza Jenoside yakorewe Abatutsi mu Rwanda n’ingaruka yagize ku bayikorewe, isaba ko babegera bakabafasha.

Nduwamariya Jeannette Caroline, umukozi wa Care International ushinzwe itangazamakuru, yatangarije IGIHE ko nyuma yo gusura urwibutso rushyinguyemo imibiri y’abazize Jenoside rwa Kigali ku Gisozi bwa mbere, kuri uyu wa Gatanu tariki ya 12 Mata 2013, ko ibyo babonye kuri Jenoside yakorewe Abatutsi biteye agahinda, ati “Tugiye guharanira kubwira amahanga agahinda Abanyarwanda batewe na Jenoside, tubasabe kubaba hafi no kubafasha kuko ijwi ryacu rigera kure nk’Umuryango Mpuzamahanga ukorera mu bihugu bitandukanye byo ku isi”.

Nduwamariya akomeje avuga ko Care International , umuryango umaze igihe ukorera mu Rwanda, ko wakoze igikorwa cyo gusura urwibutso kuko ufite inshingano yo kwibuka no kwifatanya n’Abanyarwanda bahuye na Jenoside n’ingaruka zayo.

Care International utangaza ko uzakomeza gukora ibikorwa bitandukanye byo guteza imbere Abanyarwanda by’umwihariko abarokotse Jenoside, mu mishinga yayo irimo uwo “Nkundabana” ifashirizamo abana barokotse jenoside n’ab’abakene muri rusange, bahabwa ibikoresho by’ishuri n’ibindi; n’iyindi igenewe guteza imbere abapfakazi batishoboye barimo n’abapfakajwe na Jenoside yakorewe Abatutsi.

Abakozi ba Care International basuye urwibutso rwa Jenoside ku Gisozi
Basobanurirwa amateka ya Jenoside ku rwibutso rwa Gisozi
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved