Umushinga w’itegeko ry’ubutaka watangiye gukurura impaka

Yanditswe na Olivier Muhirwa
Kuya 2 Mata 2013 saa 05:07
Yasuwe :
0 0

Umuryango uharanira uburenganzira bw’umwana n’umugore (Haguruka), uravuga ko asanga umwana yari akwiye kwandikwa ku cyemezo cy’ubutaka ubusanzwe cyandikwaho umugore n’umugabo gusa.
Bahereye ku Itegeko ngenga n° 08/2005 ryo ku wa 14/07/2005 rigena imikoreshereze n’imicungire y’ubutaka mu Rwanda, abari mu mahugurwa yo gusuzuma itegeko ngenga rigena imikoreshereze n’imicungire y’ubutaka mu Rwanda hamwe n’andi mategeko afite aho ahurira naryo, Nizeyimana Umunyamabanga Nshingwabikorwa w’agateganyo wa (...)

Umuryango uharanira uburenganzira bw’umwana n’umugore (Haguruka), uravuga ko asanga umwana yari akwiye kwandikwa ku cyemezo cy’ubutaka ubusanzwe cyandikwaho umugore n’umugabo gusa.

Bahereye ku Itegeko ngenga n° 08/2005 ryo ku wa 14/07/2005 rigena imikoreshereze n’imicungire y’ubutaka mu Rwanda, abari mu mahugurwa yo gusuzuma itegeko ngenga rigena imikoreshereze n’imicungire y’ubutaka mu Rwanda hamwe n’andi mategeko afite aho ahurira naryo, Nizeyimana Umunyamabanga Nshingwabikorwa w’agateganyo wa Haguruka avuga ko umugore yakunze kwimwa kugira uruhare ku mutungo cyane ku butaka .

Ku ruhande rw’abana Haguruka iravuga ko igiye gusuzuma irebe niba kutandika umwana ku cyemezo cy’ubutaka bitamugiraho ingaruka, zirimo kuba ababyeyi bashobora kugambana bakagurisha ubutaka bafite umwana akazakura ntacyo asanga, cyane ko ngo basanga nta jambo yahawe kuri uwo mutungo w’iwabo.

Ni muri urwo rwego abari mu mahugurwa barimo kurebera hamwe ingingo zaba ziri muri ayo mategeko atandukanye zishobora kubangamira uburengazira bw’umugore, ndetse bakungurana n’ibitekerezo ku cyakorwa kuri izo ngingo mu rwego rwo kuzinoza. Ibyo bikaba byazafasha mu itegurwa ry’umushinga w’itegeko rishya rizagenga ubutaka kuko itegeko ngenga rikoreshwa ubu rizahinduka.

Nizeyimana yavuze ko Haguruka ifasha abagenerwabikorwa bawo n’abaturage muri rusange kumenya amategeko, aho nabo bahugurwa mu bijyanye n’amategeko kugirango barusheho kuyasobanukirwa kuko abenshi bakunda kwiyambaza uyu muryango.

Abitabiriye aya mahugurwa barimo abanyamategeko; abunganira abandi mu nkiko, Abanyamuryango ba aguruka, abakora mu miryango iharanira uburenganzira bwa muntu n’abahuzabikorwa b’inzu zitanga ubufasha mu butabera mu turere umuryango Haguruka ukoreramo.
Arimo gukorwa ku bufatanye n’umushinga w’ubutaka (Land Project) n’umushinga w’Abanyamerika ugamije iterambere mpuzamahanga ( USAID).


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza