WDA mu kwegera urubyiruko ngo rwitabire ubumenyingiro

Yanditswe na Nsabimana Emile
Kuya 26 Mutarama 2013 saa 06:17
Yasuwe :
0 0

Ikigo cy’igihugu gishinzwe guteza imbere ubumenyingiro WDA, cyateguye ibikorwa byo kwegera urubyiruko hirya no hino mu ntara z’igihugu mu kurukangurira kuyoboka inyigisho z’ubumenyingiro no guteza imbere ubuhanzi n’ubuvanganzo.
Ibitekerezo bivuye mu rubyiruko bizaganirwaho mu nama y’ihuriro ry’abahanzi rizaba ku wa 30 Mutarama 2013, WDA ihereye ku byo rukeneye ikazajonjoramo iby’ingenzi yakubakiraho muri gahunda zayo za buri munsi zo guteza imbere ubumenyingiro.
Umuyobozi wa WDA Gasana (...)

Ikigo cy’igihugu gishinzwe guteza imbere ubumenyingiro WDA, cyateguye ibikorwa byo kwegera urubyiruko hirya no hino mu ntara z’igihugu mu kurukangurira kuyoboka inyigisho z’ubumenyingiro no guteza imbere ubuhanzi n’ubuvanganzo.

Ibitekerezo bivuye mu rubyiruko bizaganirwaho mu nama y’ihuriro ry’abahanzi rizaba ku wa 30 Mutarama 2013, WDA ihereye ku byo rukeneye ikazajonjoramo iby’ingenzi yakubakiraho muri gahunda zayo za buri munsi zo guteza imbere ubumenyingiro.

Umuyobozi wa WDA Gasana Jérome, mu kiganiro n’abanyamakuru yatangaje ko ku bufatanye na Rwanda Art Initiative hateguwe ibikorwa byo kuzenguruka igihugu bashishikariza urubyiruko guteza imbere ubuhanzi hagamijwe guha umuziki icyerekezo gifututse.

Kuba mu byaro hagaragara urubyiruko rufite impano zinyuranye zigomba gushyigikirwa, ni imwe mu mpamvu zo kubegera ku buryo hafi intara zose zizagerwamo.

Gasana avuga ko ubumenyingiro bwakunze kutitabwaho mu myigire y’Abanyarwanda, mu gihe usanga ibihugu nka Singapore u Buyapani n’ibindi byateye imbere kubera ubumenyingiro.

Abayobozi ba WDA uhereye iburyo na RAI ibumoso

Kuri ubu ngo ikigezweho ni uko igihugu gishyira ingufu mu kongera amashuri atanga inyigisho z’ubumenyingiro, no kuzamura imyumvire y’ababyeyi n’abana muri urwo rwego.

Harashakwa kandi uburyo ibijyanye no gukora amafilimi mu Rwanda byazamurwa mu gihe hashize amezi atandatu kwigisha gukora filimi bitangijwe, Abanyamerika na Burkina Faso biteguye gutera inkunga.

Umuyobozi wa Rwanda Art Initiative Rugamba Dorcy, yavuze ko hasabwa ubufatanye bw’inzego zitandukanye kugira ngo ibi bikorwa bizatange umusaruro.

Biteganyijwe ko ibigo WDA na Rwanda Art Initiative bizasura urubyiruko rwa Iwawa tariki ya 27 Mutarama 2013, bucyeye bwaho hakazegerwa urubyiruko rwo mu Karere ka Burera mu Ntara y’Amajyaruguru; mu gihe tariki ya 29 hazasurwa abo mu Karere ka Gisagara mu Majyepfo. Ibi biganiro bizasorezwa i Kigali muri ku wa 30 Mutarama uyu mwaka.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza