Abagabo babiri babana bibarutse umwana wa kabiri

Abagabo babiri babana bibarutse umwana wa kabiri


Yanditswe kuya 17-01-2013 - Saa 10:27' na Umurerwa Emma-Marie

Elton John n’uwo babana bahuje igitsina David Furnish bamaze kwibaruka umwana w’umuhungu wa kabiri. Bamaranye imyaka 20 babana nk’umugabo n’umugabo n’umugore.

Amakuru dukesha urubuga rwa le point, aratangaza ko aba bagabo bibera muri Leta zunze Ubumwe za Amerika, muri Leta ya Los angeles bibarutse umwana wa kabiri.

Elton John afite imyaka 65, na ho mugenzi we David Furnish afite 50, bakaba bakora akazi ko gutunganya filime.

Aba bagabo bombi abana babo uko ari babiri ni abahungu, uwa mbere yitwa Quand Zachary yavutse mu mwaka wa 2010, uwa kabiri bamwise Elijah Joseph Daniel yavutse tariki ya 11 Mutarama 2013.

Mu Gushyingo 2012 ni bwo aba babyeyi batangaje ko biteguye kwibaruka umwana wabo wa kabiri, bakaba batwitirwa n’abagore bagahabwa umwana amaze kuvuka, akaba uwabo burundu.

Elton John na David Furnish batangaje ko bashimishije n’urukundo rwabo n’uburyo umuryango wabo umaze kwaguka nyuma y’imyaka 20 bamaze bashinze urugo.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO