Abayobozi 10 babaye indashyikirwa mu kunyereza umutungo wa rubanda ku isi

Abayobozi 10 babaye indashyikirwa mu kunyereza umutungo wa rubanda ku isi


Yanditswe kuya 1-03-2013 - Saa 10:26' na IGIHE

Kunyereza imitungo y’abatyurage bikozwe n’abayobozi babo bikunze kuvugwa henshi ku isi, ariko hari bagaragaye ko barengeje abandi kwiba.
Ibihugu byinshi ku isi bikunze kugira ikibazo cyo kuyoborwa n’abanyagitugu, abo banyagitugu bakaba barakunze kurangwa no kunyereza umutungo wa rubanda.

Uwabaye uwa mbere mu mateka y’isi mu kunyereza amafaranga menshi mu gihugu yari abereye umuyobozi, ni Suharto wa Indonesia, yanyereza umutungo ungana n’akayabo k’amadolari y’Amerika miliyari ziri hagati ya 15 na 35.

Umuntu wa kabiri ku isi wahemukiye igihugu cye akanyereza umutungo w’abaturage be yari ashinzwe, ni Ferdinand Marcos wa Philippines wanyereje amadolari ari hagati ya miliyari eshanu na miliyari icumi;
Umugwa mu ntege ni Mobutu Sese Seko wayoboraga ikitwaga Zayire, Repubulika Iharanira Demukarasi ya Kongo y’ubu, yanyereje umutungo ungana na miliyari eshanu z’amadolari. Mobutu akaba aza ku mwana wa mbere muri Afurika mu kunyereza menshi.

Ku mwanya wa kane mu kunyereza akayabo ku isi bikozwe n’abayobozi b’ibihugu, haza uwahoze ayobora igihugu cya Nigeria, Sani Abacha, wanyereje amadolari y’Amerika abarirwa hagati ya miliyari ebyiri na miliyari eshanu. Uyu mugabo na we wo ku mugabane w’Afurika akurikirwa na Slobodan Milosevic wayoboraga Serbia na Montenegro (Yugoslavia) wanyereje miliyari imwe y’amadolari.

Ku mwanya wa gatandatu haza uwahoze ayobora igihugu cya Haiti, J-C Duvalier, wanyereje amadori y’Amerika ari hagati ya miliyoni 300 na 800, agakurikirwa na Alberto Fujimori wayoboraga igihugu cya Peru, we wanyereje amadolari angana na miliyoni 600.

Ku mwanya wa munani haza Pavlo Lazarenko wayoboraga Ukraine, yanyereje akayabo k’amadolari miliyoni ziri hagati ya 114 na 200. Akurikirwa na Arnoldo Aleman wa Nicaragua, wibye igihugu cye amadolari angana na miliyoni 100.
Uza ku mwanya wa cumi ni Joseph Estrada na we wayoboye Philippines akaba yaranyereje amadolari ari hagati ya miliyoni 78 na miliyoni 80.

Icyegeranyo dukesha Imvaho Nshya yakoze yifashishije urubuga rwa intrenet, www.ranker.com

Mobutu wayoboye icyahoze ari Zayire (Congo Kinshasa y'ubu) aza ku isonga muri Afurika mu banyereje umutungo
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO