Abanyamakuru barenga 93 bapfiriye mu kazi kabo mu 2016

Yanditswe na
Kuya 1 Mutarama 2017 saa 10:31
Yasuwe : XX
0

Ishyirahamwe mpuzamahanga ry’abanyamakuru (International Federation of Journalists) rivuga ko mu mwaka wa 2016 hapfuye abanyamakuru barenga 93.

Ryabisohoye mu cyegeranyo ku wa Gatanu w’icyumweru gishize, aho Irak n’Afghanisitan ari byo biza imbere mu bihugu byaguyemo abanyamakuru benshi.

FoxNews dukesha iyi nkuru ivuga ko uyu mubare wagabanutse ugereranije na 2015 aho abasaga 112 ari bo bishwe ariko Iraki n’Afghanistan n’ubundi ari byo bihugu byari imbere y’ibindi.

Muri aba, 29 baguye mu mpanuka z’indege abandi bicwa n’ibisasu byatewe aho bagaeragezaga gutara amakuru.

Iki cyegeranyo gishyira Irak ku mwanya wa mbere n’abanyamakuru bapfuye basaga 15, Afghanisitan ifite 13, Mexique 11, Yemen 8, Guatemala na Syria 8, Pakistan n’u Buhinde 5.

Muri rusange mu bihugu by’Afurika hapfuye 8, Amerika y’Amajyepfo ni 24, mu Burasirazuba bwo hagati ni 30, Asia-Pasifike ni 28.

Philippe Leruth, Perezida w’iri shyirahamwe avuga ko bishimishije kuba uyu mubare waragabanutse.

Ati “Twishimiye kuba uyu mubare ugenda ugabanuka. Reka twizere kandi twiringire ko akarengane k’abanyamakuru kazarangira burundu.”

Umubare w'abanyamakuru baguye mu kazi kabo muri uyu mwaka waragabanutse ugereranyije n'uko byagenze umwaka ushize

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza