Abenshi mu banywa itabi bashaka kumva uko rimera bahinduka imbata zaryo

Yanditswe na Tombola Felicie
Kuya 11 Mutarama 2018 saa 12:32
Yasuwe :
0 0

Ubushakashatsi bwakozwe inshuro umunani kuva mu 2000 kugeza 2016 bwagaragaje ko 2/3 by’abantu banyoye itabi bagira ngo bumve uko rimera bahindutse abanywi baryo bahoraho.

Ubu bushakashatsi bwakorewe ku bantu 215 000 bo mu Bwongereza, Leta Zunze Ubumwe za Amerika, Australie na Nouvelle-Zélande, aho basanze 68,9% by’abantu bafashe isegereti imwe nko gusogongera ngo bumve uko rimera barahindutse abanywi batarisiba.

Nk’uko topsante yabitangaje, umwe mu bayoboye ubwo bushakashatsi Prof. Peter Hajek wo muri Kaminuza ya Queen Mary de Londres mu Bwongereza yagize ati “Ni inshuro ya mbere ubushakashatsi bugaragaza isano yo gusogongera ku itabi no guhinduka imbata yaryo.Twatunguwe cyane n’ukuntu abantu benshi babifatirwamo,ibyo bitwibutsa ko ubukangurambaga ari ngombwa mu kwirinda itabi.”

Aba baganga bavuga ko ikibazo cy’abashaka kugerageza itabi bakaba imbata zaryo giteye inkeke kuko imibare yagaragajwe idashingiye ku igereranya ahubwo ari ba nyir’ubwite bitangiraga ubuhamya.

Bakomeza bavuga ko itabi rikozwe mu buryo bw’ikoranabuhanga (e-cigarette) na ryo riteye inkeke kuko urubyiruko rwinshi rwarirundukiyemo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza