Akumiro nyuma y’aho abaganga bateye abagore 26 intanga zitari iz’abagabo babo

Yanditswe na Jean Pierre Tuyisenge
Kuya 28 Ukuboza 2016 saa 12:25
45 30

Ibitaro bya Kaminuza yo mu Buholandi, byatangaje kuri uyu wa Kabiri ko byatangiye iperereza nyuma yo kuvumbura ko abagore bagera kuri 26 batewe intanga z’abagabo batari ababo mu buryo bwitwa ’fécondations in vitro (FIV).’

Kaminuza ya UCM Utrecht, yo muri icyo gihugu yatangaje ko kuva mu matariki yo hagati y’ukwezi kwa Kane 2015 kugeza mu bihe nk’ibyo by’ukwezi ku Ukwakira 2016, hakozwe ikosa muri Laboratwari ikora ibya FIV.

7 sur 7 yanditse iyi nkuru, ivuga ko ibyo bitaro bitangaza ko intanga ngabo z’abandi bagabo zishobora kuba zarashyizwe hafi y’amagi y’abo bagore 26.

Ibyo bitaro bikomeza bivuga ko ½ cy’abagore bahuye n’iryo sanganya bamaze kubyara mu gihe abandi bagitwite.

Ibyo bitaro byahise bitangira iperereza kugira ngo hamenyekane impamvu nyamukuru zatumye habaho iryo kosa no kugerageza kuvugana n’ababyeyi byabayeho. UMC Utrecht iri gushaka uburyo yahagarika ingaruka kuri abo babyeyi no kuri Laboratwari ubwayo.

Ubu buryo bwitwa FIV,bukorwa hafatwa intanga z’umugabo bakazihuriza hamwe n’iz’umugore ariko bigakorerwa hanze y’umubiri, iyo bimaze guhura bikarema urugingo ruto ruzavamo umwana, barushyira muri Laboratwari hagati y’iminsi 2 na 6, nyuma bakaba babishyira mu wundi mugore, akaba ariho umwana azakurira. Gusa abahanga baha ubu buryo amahirwe angana na 15 kugeza kuri 25%.

Si ubwa mbere ibi bibaye kuko no mu 2012, umugore ukomoka mu Bushinwa yareze ibitaro byo muri Singapore nyuma yuko aketse ko intanga ze zahujwe n’iz’umuntu utazwi bitewe n’uko umwana we wavutse mu 2010 yari afite ibara ry’imisatsi n’iry’uruhu bitandukanye n’iby’umugabo we.

Abagore 26 batewe intanga zitari iz'abagabo babo ku bwo kwibeshya kw'abaganga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE