Amafoto ya Trump yagizwe Umwamikazi Elizabeth II yavugishije benshi

Yanditswe na Jean Pierre Tuyisenge
Kuya 22 Ukuboza 2016 saa 04:57
Yasuwe :
0 0

Mbere yuko Perezida Donald Trump atangira urugamba rwo kwiyamamaza, hatangijwe konti ya Instagram yiswe @ogtrumpqueen, aho bafashe Donald Trump bakamwambika nk’uko Umwamikazi w’U Bwongereza Elizabeth II akunze kwambara, mu rwego rwo kwisekereza abantu.

Urubuga 7 sur 7 ruvuga ko iyo konti itari igamije inyungu za politiki nubwo yatumye abantu bibaza byinshi ndetse ayo mafoto akaba agaragara nk’ashaka gusebya Perezida Donald Trump wa Leta Zunze Ubumwe za Amerika.

Iyi nkuru ikomeza ivuga ko uwakoze ayo mafoto ari Michal Krauthamer usanzwe akora utuntu dutandukanye yifashishije mudasobwa, ayatunganya yifashishije porogaramu ya Photoshop. Kuri we ngo ntabwo yari afite igitekerezo cyo kugaragaza ko Trump ashaka kwigarurira ubwami bw’Abongereza.

Kwinjira muri White House kwa Donald Trump, kwafatwaga na benshi nko kujya gutura kuri Mars, kuko yarinze atsinda amatora akigaragara nk’udafite amahirwe.

Perezida Donald Trump yatsinze amatora yo ku wa 8 Ugushyingo 2016, atsinze umukandida wo mu Ishyaka ry’Aba-Democrates, Hillary Clinton, mu buryo bwagaragaye nk’ubutunguranye bitewe n’icyizere Clinton yagaragarizwaga.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244