Amahitamo y’umuntu ku mafunguro agirana isano n’imyitwarire asanganywe

Yanditswe na Umutoni Rosine
Kuya 14 Nyakanga 2017 saa 07:52
Yasuwe :
0 0

Ubushakashatsi bwakorewe muri kaminuza ya Ohio muri Leta Zunze Ubumwe za Amerika bwerekanye ko uko umuntu yitwara mu guhitamo ibiribwa afungura bishobora kuba bifitanye isano n’indi myitwarire mu buzima bwe bwa buri munsi.

Inyigo y’abashakashatsi yerekanye ko abantu bakunda amafunguro adafite intungamubiri bakunda kugira ukwihangana guke mu gutsinda ibishuko n’ibigeragezo.

Ni ubushakakashatsi bwakorewe ku banyeshuri 81,hagenda harebwa amahitamo 100 bagiye bafata ku mafunguro afite intungamubiri ndetse n’atazifite.

Paul Stillman wayoboye ubwo bushakashatsi yagize ati "Imyitwarire yacu ku byo dukunda kurya igaragaza n’uburyo twitwararika. Ku bantu batazi kwitwararika cyangwa se kwigenzura bafata amafunguro atarimo intungamubiri kandi hari andi afite intungamubiri. »

Mu bugenzuzi bwabo bashyize amafoto muri mudasobwa ya buri munyeshuri, uko umunyeshuri yayifunguranga hahitaga hazaho amafoto, imwe iriho ifoto y’ibyo kurya bifite intungamubiri n’indi y’ibyo kurya bitarimo intungamubiri.

Bimwe byabaga birimo imboga ibindi ari ibyakorewe mu nganda byagereranyijwe n’ibitarimo inkungamubiri zihagije.

Abahise birukira ku mafoto agaragaza ibyo kurya bitarimo intungamubiri, ngo harebwe ibyemezo bafata no mu buzima busanzwe basanga batagira ukwitwararika. Bene abo bantu ngo iyo ibigeragezo cyangwa ibishuko bibagezeho bakunze gutsindwa.

Abandi bahisemo ibyo kurya bifite intungamubiri, ngo babanzaga kurwana no gufata icyemezo bakagenzura impamvu y’amahitamo yabo, ibyo rero ngo ni kimwe n’uko mu buzima busanzwe babanza gushishoza bakagira n’ukwihangana mu buzima bwabo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza