Kwamamaza

Amarenga y’abagabo iyo berekana ko batubashywe mu rugo

Yanditswe kuya 23-11-2016 saa 12:06' na Umutoni Rosine


Birazwi ko abagabo bakunda icyubahiro mu ngo zabo ndetse abakobwa iyo bagiye gushyingirwa usanga bahabwa impanuro zo kuzubaha abagabo kuko ari ikintu cy’ingenzi kugira ngo urugo rubashe gukomera.

Nubwo bimeze bityo ngo hari ubwo umugabo yumva ko yasuzuguwe cyangwa atubashywe mu muryango maze umugore ntabimenye akagira ngo nta kibazo gihari kandi ibintu byakomeye.

Urubuga elcrema rugaragaza ibimenyetso cyangwa imyitwarire umugabo ashobora kugaragaza mu rugo ugahita umenya ko ari amarenga arimo kugucira yuko utarimo kumwubaha uko bikwiriye.

1. Akubwira ko uri indashima

Iyo umugabo wawe atangiye kumva avuga ko udashima ibyo akora haba hari ikitagenda. Gushimira umugabo wawe no kumwereka ko unyurwa n’ibyo akora ni kimwe mu byereka umugabo wawe ko umwubashye.

Iyo rero abikubwiye ko udashima ibyo akora aba arimo guca amarenga yuko utamwubaha.

2.Akubwira ko uhora uvuga ibitagenda gusa

Iyo umugabo wawe atoboye akakugaragariza ko uhora uvuga ibitagenda gusa, ko nta kintu cyiza ujya ubona, aba akweretse ko gukora ibyo ari ukutamwubaha no kutamuha agaciro.

Guhora ugaragaza ibitagenze neza ngo byereka umugabo wawe ko utamwubaha na we bigatangira kumuca intege.

3.Akwingingira ko mwatera akabariro

Nta mugabo ushimishwa n’uko umugore bashakanye amwangira ko batera akabariro.

Iyo byageze aho umugabo akwingingira ko mutera akabariro aba ari ikimenyetso kimugaragarariza ko utakimwubaha.

4.Agushinja kudacisha macye

Iyo umugabo wawe akweretse ko utagicisha make,uvugira hejuru cyangwa utagituza ngo mufatire umwanzuro hamwe, burya aba aciye amarenga ko utarimo kumwubaha. Ibyaba byiza ni uko wahita ubikosora.

5. Agaragaza ko adakunzwe

Abagabo ngo bameze nk’abana, bakunda guteteshwa no kwitabwaho, iyo rero bitarimo gukorwa abona ko ari ukutamwubaha akabikwereka binyuze mu kukwibutsa ibyo wamukoreraga utagikora.

6. Akwereka ko utakimutega amatwi

Abagabo bakunda ko ubatega amatwi n’iyo waba utari bukurikize ibyo bakubwiye. Iyo utagitega amatwi umugabo wawe akarinda no kubikubaza burya ngo aba yamaze kubona ko utakimwubaha nk’umugabo mu rugo.

7. Akwereka ko utakimwizera

Burya iyo ukwizerana kwabuze hagati y’abashakanye kaba kabaye. Iyo umugore atacyizera umugabo atangira kugira ibitekerezo bibi ndetse n’agaciro yamuhaga kakagabanuka.

8. Ahindura imyitwarire

Iyo umugabo yakomeje guca amarenga yuko atubashywe, uwo ayacira ntabimenye, usanga yahinduye imyitwarire, agahitamo guceceka cyangwa yavuga akavuga nabi, agakambya agahanga n’indi myitwarire idahwitse.

Ashobora kandi kuva mu cyumba mwararagamo akigira ahandi ndetse iyo bimaze gukabya ashobora no kuguta mu nzu akigendera, ukazumva bavuga ngo nyiranaka umugabo yaramutaye.

Inkuru y’urubuga elcrema isoza igaragaza ko igihe cyose uwo mwashakanye yaba umugore cyangwa umugabo agize icyo akubwira, uba ugomba kucyitaho mu buryo budasanzwe, ukamenya impamvu yacyo kuko haba harimo amarenga menshi kandi iyo bidakosowe hakiri kare usanga byarenze igaruriro.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved