Bahaye umubyeyi wabo impano y’imodoka nyuma y’imyaka 10 bizigama

Yanditswe na Mukaneza M.Ange
Kuya 26 Ukuboza 2016 saa 04:36
45 30

Nyuma yo kumara imyaka 10 bakora cyane ari nako bizigama, abavandimwe babiri bahaye umubyeyi wabo imodoka yo mu bwoko bwa BMW yari yarifuje kuva kera nk’impano yo kumushimira.

Amashusho yashyizwe kuri Instagram agaragaza Daniel na Jason Knust batuye mu gace kitwa Wollongong mu Majyepfo y’Umujyi wa Sydney muri Australia, batungura nyina ubabyara bakamuha imodoka.

Daniel yanditse ko iyi BMW 3 series bayimuhaye nk’uburyo bwo kumushimira kubera ukuntu yabitangiye imyaka myinshi.

Ati “Maze imyaka nifuza kubikora, uyu munsi inzozi z’igihe kirekire zibaye impamo. Gukora cyane bigeza ku musaruro, ibi umubyeyi wacu yabitwigishije kuva tukiri bato, ntiduteze kubyibagirwa.”

Nk’uko byumvikana muri aya mashusho amaze kurebwa n’abantu ibihumbi bine, mama wabo abanza kutemera ko imodoka ari iyo bamugeneye koko, mu gihe abahungu be bamwibutsaga imyaka yamaze ayifuza.

Abenshi mu batanze ibitekerezo kuri aya mashusho bavuze ko uyu mubyeyi ari umunyamahirwe ndetse ko abahungu be yabareze neza.

Ubu bwoko bw’imodoka ni bumwe mu butungwa n’abifite kuko igura arenga bihumbi 35 by’amadolari hafi miliyoni 30 z’amafaranga y’u Rwanda.

Umubyeyi wabo yabanje kwanga kwemera ko imodoka ari iye
Yasazwe n'ibyishimo ahobera abahungu be
Iyi niyo mpano Daniel na Jason bahaye umubyeyi wabo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE