Banki y’Igihugu muri Australie yahawe urw’amenyo kubera inoti irimo ikosa

Yanditswe na Umwali Zhuri
Kuya 9 Gicurasi 2019 saa 05:53
Yasuwe :
0 0

Inoti nshya y’amadolari 50 akoreshwa muri Australie yashyizwe ku isoko irimo ikosa ry’imyandikire y’amagambo y’icyongereza, ryatumye abantu benshi bayiha urw’amenyo.

Kuri iyi noti nshya, aho kwandika ijambo "responsibility" [inshingano], baribeshye bandika "responsibilty", hagati ya ‘l’ na ‘t’ hari kujyamo ‘i’ ariko habamo kwibeshya ntiyashyirwamo.

Reserve Bank of Australia (RBA) yemeje kuri uyu wa Kane ko hasohotse ikosa mu noti nshya y’amadolari 50 ndetse ko rizakosorwa mu nshya zizasohorwa mu gihe kiri imbere.

Kugeza ubu, inoti miliyoni 46 ziri ku isoko zigaragaramo iryo kosa.

Nubwo iri kosa rigaragaye ubu, iyi noti yashyizwe ku isoko umwaka ushize. Igaragaraho Edith Cowan, umugore wa mbere winjiye mu Nteko Ishinga Amategeko y’iki gihugu.

Idorali rimwe ry’amafaranga akoreshwa muri Australie, ringana n’amanyarwanda 628.6 Frw.

Inoti miliyoni 46 zagiye ku isoko zirimo ikosa
Ikosa ryagaragaye mu ijambo 'responsibility'

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza