Bwa mbere mu myaka 37, hongeye kugwa urubura mu butayu bwa Sahara (Amafoto)

Yanditswe na IGIHE
Kuya 21 Ukuboza 2016 saa 09:04
Yasuwe :
0 0

Karim Bouchetata ukora akazi ko gufotora nk’utarabigize umwuga yafashe amafoto adasanzwe yatunguye abantu benshi agaragaza urubura rwaguye mu Butayu bwa Sahara nyuma y’imyaka 37 nta we uruca iryera.

Karim Bouchetata yafashe aya mafoto ku wa Mbere w’iki Cyumweru, aho yari aherereye mu Mujyi wa Ain Sefra muri Algeria, hafi y’imisozi ya Atlas mu majyaruguru y’ubutayu bwa Sahara.

Uyu mujyi uherereye mu Majyaruguru ashyira Uburengerazuba bwa Algeria mu birometero 350 km, uvuye ku nyanja ya Méditerranée.

Amafoto yafashe agaragaza urubura ruri hejuru y’udusozi duto muri ubu butayu avuga ko rwahamaze umunsi wose.

Bouchetata yatangaje ko buri wese yatunguwe no kubona urubura rugwa mu butayu.

Ati “ Byari bishimishije kubona uburyo urubura rwamanukaga rukagwa ku mucanga. Rwamaze umunsi wose, hanyuma ruza gushonga rwose.”

The Independent.co.uk itangaza ko urubura rwaherukaga kugaragara muri aka gace ku itariki ya 18 Gashyantare 1979, rwamaze iminota 30 rwahagaritse ingendo zose zo mu butayu.

Umujyi wa Ain Sefra, wavumbuwe mu 1881, witirirwa Abafaransa uzwi nk’irembo ry’ubutayu ’The Gateway to the Desert’, ukunda kugira ubushyuhe buri ku kigero cya dogere Celcius 37 mu mpeshyi, ariko waciye agahigo ko kugera ku gipimo kiri munsi ya dogere Celcius 10, mu gihe cy’itumba.

Nyuma y'imyaka 37 hongeye kugaragara urubura mu butayu bwa Sahara

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza