Kwamamaza

Bwa mbere nyuma yo gutsindwa, Hillary Clinton yagaragaye mu ishyamba

Yanditswe kuya 11-11-2016 saa 12:05' na Mukaneza M.Ange


Nyuma yo kwemera ku mugaragaro ko yatsinzwe na Donald Trump mu matora ya Perezida wa Leta Zunze Ubumwe za Amerika, Hillary Clinton, yagaragaye ari mu ishyamba afite akanyamuneza mu maso.

Clinton wari uhagarariye ishyaka ry’aba - démocrate, nyuma yo gutsindwa mu matora yabaye ku itariki 8 Ugushyingo 2016 yahise yerekeza iwe mu Mujyi wa Chappaqua i New York.

Yongeye kugaragara mu ruhame ubwo we n’umugabo Bill Clinton bari bagiye gutembereza imbwa zabo maze umugore utuye muri ako gace asaba ko bifotozanya.

Iyi foto yashyizwe hanze na Margot Gerster, imugaragaza ari kumwe na Hillary wari wasetse ubona ko anezerewe nk’udafite ikimugoye.

Gerster yavuze ko nyuma y’agahinda yatewe n’ibyavuye mu matora, yafashe umwanzuro wo gutembera ku musozi ngo abyiyibagize ari naho yahuriye n’umuryango wa Clinton.

Ati “Nabashije kumuhobera no kuvugana nawe ndetse mubwira ko kimwe mu byancimishije nk’umubyeyi ari ukujyana n’umwana wanjye Phoebe tukajya kumutora. Yarampobeye, arananshimira. Twaganiriye ibintu bisekeje, ubundi ndabareka bakomeza urugendo rwabo.”

Daily Mail ivuga ko iyi foto yagiye hanze, nyuma y’uko hamenyekanye zimwe mu mpamvu zatumye Clinton adatsinda zirimo kuba abagore bari bitezweho kumushyigikira baramutoye ku kigero cya 54% ndetse n’abirabura ntibamushyigikire nk’uko yari abyizeye.

Abandi byagaragaye ko batamushyigikiye ni abafite munsi y’imyaka 30 bamutoye ku kigero cya 55% ugereranyije na 60% bari batoye Perezida Barack Obama mu 2012.

Donald Trump yegukanye intsinzi ku majwi 279 kuri 228 ya Hillary Clinton. Biteganyijwe ko azarahirira kuyobora Amerika ku itariki 20 Mutarama 2017.

Nyuma yo kwemera ko yatsinzwe, Hillary Clinton yagaragaye mu ishyamba anezerewe

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved