Cambodge: Umwami yagaragaye mu mashusho y’urukozasoni y’abaryamana bahuje ibitsina

Yanditswe na IGIHE
Kuya 3 Mutarama 2017 saa 09:03
Yasuwe :
0 0

Polisi yo mu gihugu cya Cambodge yatangaje ko iri gushakisha abantu batatu bakekwa kuba nyuma y’igikorwa cyo gushyira Umwami w’iki gihugu, Norodom Sihamoni mu mashusho y’amakorano(photomontage) amugaragaza mu bikorwa by’urukozasoni by’abaryamana bahuje ibitsina.

7sur7 dukesha iyi nkuru, ivuga ko iyo foto yagaragaye ku mbuga nkoranyambaga za Facebook z’abantu bo muri iki gihugu no muri Thaïlande . Igikorwa cyafashwe nk’ikidasanzwe gisa n’igisuzuguza Umwami usanzwe wubashywe bikomeye muri iki gihugu.

Ibikorwa byose bifatwa nko kubahuka Umwami bikurikiranwa n’Ubushinjacyaha muri Cambodge, ariko ngo abo bihanirwa ni mbarwa ndetse ngo n’ibihano bitangwa kuri ibyo bikorwa usanga biri hasi cyane ugereranyije no muri Thaïlande aho umuntu wese usuzuguye ubwami ahanishwa gufungwa imyaka irenga icumi.

Gen Khieu Sopheak, Umuvugizi wa Minisiteri y’Umutekano muri iki gihugu, yatangaje ko iperereza kuri iki gikorwa ryangiye.

Ati “Twatanze impapuro zibata muri yombi. Tutagize icyo dukora kigaragara, n’abandi bashobora gukurikiza urugero rw’abo. Umwami ahagarariye igihugu cyose, ubwo rero iyo batutse Umwami baba batutse igihugu muri rusange."

Uyu muyobozi avuga ko mu bantu batatu bakekwaho iki gikorwa, ngo babiri bishoboka ko baturuka muri iki gihugu mu gihe undi ashobora kuba ari uwo muri Thaïlande.

Amategeko ahana ibyaha muri Cambodge ateganya amande cyangwa se igihano cy’igifungo kugeza ku mezi atandatu ku muntu wese wubahutse Umwami.

Umwami wa Cambodge yashyizwe mu mashusho y'urukozasoni

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza