Havumbuwe ifi imeze nk’umuserebanya, ifite amenyo akomeye

Yanditswe na Mfitumukiza Moïse
Kuya 18 Kamena 2017 saa 06:29
Yasuwe :
0 0

Mu mazi y’inyanja yo muri Australia havumbuye ubwoko bw’amafi yahawe izina rya Bathysaurus ferox cyangwa Deapsea lizardfish yihariye udushya twinshi turimo no kuba yifitemo ubushobozi bwo kuba ingabo n’ingore icyarimwe ku buryo yabyara bitagombeye ko hagira indi fi bihura.

Iyi fi iteye nk’umuserebanya ndetse ikagira amenyo menshi cyane kandi akomeye. Imiterere y’amenyo y’iyi fi iyiha ububasha bwo kuba yafata ibiremwa bitandukanye bigenda mu mazi ntibibashe kuyicika kubera uburyo ari menshi, asongoye kandi anakomeye.

Asher Flatt uri mu itsinda ry’abashakashatsi bavumbuye iyo fi, yagize ati “ Igiteye ubwoba ni umunwa wayo n’amenyo akomeye; iyo inyamaswa yageze mu kanwa nta buhungiro.”

Flatt avuga ko iyi fi iba mu nyanja byibura ku burebure buri hagati ya metero 1000 na 2500 ahantu hataba ibiribwa bihagije byo mu mazi. Abashakashatsi bavumbuye iyo fi bavuga ko kuba yarabashije kuhaba ari uko ibindi biremwa byose biba muri ako gace ibirusha imbaraga.

Aba bashakashatsi kandi bemeza ko iyi fi yifitemo ubushobozi bwo kubyara nta kubangurira bibayeho bitewe n’uko izindi ngenzi zazo ziba ziri kure cyane ku buryo zidapfa guhura byoroshye ngo habeho ukororoka.

Iyi fi ifite amenyo menshi kandi akomeye ku buryo inyamaswa ifashe itabasha kuyicika
Iyi fi ifite ishusho nk'iy'umuserebanya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244