Havumbuwe uburyo bushya bwo kwikama amashereka

Yanditswe na IGIHE
Kuya 5 Mutarama 2017 saa 07:24
45 31

Ikigo cyo muri Carifornia mu majyepfo ya San Francisco, Silicon Valley, cyashyize ahagaragara uburyo bushya bwo kwikama amashereka, bworoheye ababyeyi kandi buzanye impinduka ugereranyije n’ubwari busanzwe bukoreshwa.

Ni agakoresho kazwi nka Willow, kakaba ari ko ka mbere umubyeyi ashobora kwambara ku mabere yombi akikama amashereka atagombye gukoresha intoki, ndetse akaba yanagkoresha mu gihe ari mu yindi mirimo.

Uburyo bwari busanzwe bufasha abagore kwikama amashereka bwari bunini, busakuza ndetse bunababaza. Bwabasaba guhagarika ibyo bakoraga kugirango bikame amashereka.

Muri ako gakoresho ni naho hakusanyirizwa amashereka, umuriro wo muri batiri yako ukaba umara iminsi ibiri ukora.

John Chang, wakoze ako gakoresho ka Willow, yabwiye CNN ko yabishishikarijwe n’umugore we n’abana batatu.

Yizera ko kazafasha abagore benshi konsa kuko kameze neza, koroshye kugakoresha kandi kiyubashye.

Mu igerageza abagore bakambariye mu ngendo za gari ya moshi no mu gihe cy’inama kandi ntibyababuza gukomeza ibyo barimo.

Willow ituma umuntu abasha kumenya ingano y’amashereka ashaka kwikama, inshuro umubyeyi yikamye n’igihe agomba kumara abikora. Willow izaba igura amadolari ya Amerika 430.

Abahanga bavuga ko nibura abana bagomba konka amezi 12 ariko abana bagera kuri 81% bo muri Amerika batangira konka, abagera kuri 50% batarenza amezi atandatu.

Aka gakoresho gafite n'ahabikwa amashereka
Aka gakoresho kambarwa mu mabere umuntu akaba yakwikomereza n'indi mirimo mu gihe yikama

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE