Huye: Yaguwe gitumo yiba ihene, azengurutswa umujyi ayihetse (Amafoto)

Yanditswe na Prudence Kwizera
Kuya 6 Nyakanga 2018 saa 07:32
Yasuwe :
0 0

Abaturage bo mu Kagari ka Mpare mu Murenge wa Tumba ho mu Karere ka Huye, kuri uyu wa Kane bafashe umusore amaze kwica ihene y’abandi bikekwa ko agiye kuyiba, bamutegeka kuyiheka mu bitugu bamuzengurutsa Umujyi wa Huye mbere yo kumushyikiriza Polisi.

Abaturage bo mu bice bitandukanye byo mu Karere ka Huye bavuga ko barembejwe n’abajura babiba ibintu bitandukanye cyane cyane amatungo, bagasaba ubuyobozi kubafasha guhashya abo bajura.

Uyu musore wahekeshejwe ihene ngo bamufashe amaze kuyica ayisanze aho yari iziritse ku rugo, yitegura kuyijyana. Abayimuhekesheje bavuze ko bashakaga gutanga isomo kuri we no ku bandi bose bafite ingeso yo gutwara iby’abandi.

Umwe mu bari bamushoreye yagize ati “Tuje tumushoreye kuko baratujujubije, baraza wamesa umwenda bakanura, ibase bagatwara, matola bakajyana, ihene bakaza bakica bakajyana, baherutse no kudutwara ingurube ebyiri, ntacyo basiga kuko iyo winjiye mu nzu usanga bateruye n’isafuriya ku ziko”.

Undi yagize ati “Njyewe n’umugore twakinze turagenda hadashize n’iminota itanu ngarutse nsanga urugi bamaze kuruca, imyenda yanjye n’iy’umugore bayijyanye, imyaka yose bayijyanye nta kintu na kimwe badusigiye, ubujura burakabije. Ibi byo kumuzengurutsa mu mujyi bitanga isomo ku bajura bose bakabona ko twabahagurukiye."

Abo baturage banavuga ko bababazwa no kuba iyo bafashe umujura bakamushyikiriza inzego z’umutekano arekurwa nyuma y’igihe gito ataryojwe ibyo yakoze, bagasaba ko byakosorwa uwafashwe akajya ahanwa kuko biri mu bitiza umurindi ubujura.

Uyu mugabo bamuzengurukije mu mujyi wa Huye ahetse iyi hene
Abamuhekesheje iyi hene ngo bashakaga gutanga ubutumwa no ku bandi batwara iby'abaturage

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza