Kwamamaza

Ibintu 10 byagufasha gutsinda ibigeragezo bitera zimwe mu ngo gusenyuka

Yanditswe kuya 11-10-2016 saa 17:51' na Tombola Felicie


Ku bantu bamaze kubaka cyangwa ku bateganya kurushinga hari ubwo baba biteze ko gushaka umugabo cyangwa umugore ari paradizo umuntu aba yinjiyemo, nyamara ni urugamba ruba rutangiye kandi rutoroshye, kuzagira urugo rwiza cyangwa rubi bigaterwa n’uburyo yarurwanye.

Urubuga Abnews rutanga inama z’ibyo ugomba kumenya ku bijyanye n’urushako kugira ngo bitazakubaho ukumva ko ari ishyano ryaguye, bigatuma wasenya bidateye kabiri.

1. Buri wese afite inenge

Uretse Imana niyo yonyine itunganye , naho umuntu uko yaba ari kose, aba afite inenge.Si byiza guhora ubona gusa amakosa y’uwo mwashakanye kuko byatuma utabona ibyiza bye.

2. Buri wese aba afite amateka yanyuzemo

Icy’ingenzi mu mibereho y’abashakanye ni uko ntawe uba ugomba gutekereza ko mugenzi we ari marayika cyangwa ngo amuzize amateka y’ibyashize.

Icyo buri wese aba akwiye kwitaho ni igihe barimo ( present ) ndetse no gutegura ahazaza (future).

Amateka aba yararangiye, iyo wiyemeje gushaka uba ugomba kubabarira ndetse ukanibagirwa ibihe bigoye n’amateka yagiye aranga uwo mwashakanye .

3. Buri rushako rugira umwihariko w’ibibazo

Urushako ntabwo ari umurima w’uburabyo bw’ iroza gusa. Urugo ubona ko runezerewe burya ruba rwaranyuze mu bibazo runaka rukabisohokamo neza .
Kwemeza ko mukundana urukundo rw’ukuri byemezwa n’ibigeragezo muba mwararenze, ugomba kurwanirira urugo rwawe kugira ngo ubashe kurambana n’uwo mwashakanye, bitabaye ibyo ntabwo mwamara kabiri.

Ugomba kwibuka ko indahiro abashakanye barahirira imbere y’Imana n’abantu, basezerana kurambana mu bibi n’ibyiza.

4. Ntukagereranye urugo rwawe n’urw’abandi

Buri rugo rwose ruba rutandukanye n’urundi, niyo mpamvu uba utagomba kugereranya urushako rwawe n’urwabo.

No mu buzima busanzwe ntabwo abantu tungana, ntitunganya ubushobozi n’ibindi, kugira ngo rero urugo rwawe rurusheho kwishima ni uko wakwiga kwihanagana niba utabigiraga, ugakora cyane kugira ngo inzozi zawe zizabe impamo.

5. Gushinga urugo ni ugutangiza intambara

Iyo urongoye cyangwa urongowe ugomba gutangiza intambara irwanya ibintu byose bihungabanya cyangwa bigakuraho ibyiza by’urugo (enemies of marriage). Muri ibyo harimo kutababarira, kugabanya urukundo, kureka gusenga,agasuzuguro, ubunebwe n’ibindi.

6. Nta rugo rwiza rubaho

Nta rugo wavuga ngo uru ni rwiza ahubwo byose biterwa n’uburyo banyirarwo barwitangira bakarukorera kandi ntibacogore.

Urugo rugereranywa n’imodoka; imodoka iba ifite ibice bitandukanye kandi buri cyose kigakenera kwitabwaho, kigasukurwa kikabungabungwa, kinahabwa ibyo gikeneye niba ari amavuta cyangwa lisansi.

Abenshi usanga nyuma yo gushakana baterera iyo hakabaho ibititabwaho nyamara ibyo bisenya ingo nyinshi.

7. Nabwo uzabona umuntu wifuzaga ijana ku ijana

Nubwo umuntu wese aba asaba Imana kuzamuhuza n’umuntu runaka ufite imico n’imyitwarire iyi n’iyi, siko buri gihe biba ijana ku ijana.

Ushobora gusaba Imana umugore ubasha gusenga isaha yose ataruhuka, Imana ikaguha ubasha kubikora iminota 30 ariko byose iyo umuteye umwete agera kuri byinshi.

Nubwo utabona umugabo cyangwa umugore wujuje ibyifuzo byawe ijana ku ijana iyo mufatanyije, mukaganira ukamwereka ibyo umwifuzaho abigeraho nta kabuza.

8. Kubaka urugo ni ugufata inshingano

Ntabwo ushobora kumenya ibizakubaho nyuma yo kubaka urugo kuko ibintu byose hari ubwo bihinduka uko utari ubyiteze bikaba neza cyangwa nabi, ugomba kugenda rero ubyiteguye.

Umugore ashobora kudasama hagashira n’imyaka ine, ushobora kumukundira ko ananutse agahinduka munini mu kanya gato cyane.

Ushobora kumukundira ko afite akazi mwamara kubana akakabura, ni byiza rero kwitegura kwakira ubuzima ushobora guhurira na bwo mu rushako n’iyo waba utari ubyiteze.

9. Gushyingirwa si amasezerano y’igihe gito ni ubuzima bw’ibihe byose

Gushyingiranwa bisaba kwitanga wese kuko urukundo ruba ari umurunga uhuza abashakanye. Burya gutandukana(divorce) bitangirira mu mutwe, ntuzigere rero ubitekereza, ujye uhora utekereza gusazana n’uwo mwashakanye.

10. Gushyingirwa bigira icyo bisaba

Gushyingiranwa twabigereranya na banki, amafaranga ubikuzamo ni ayo ugomba kuba warabitsemo. Niba rero utabiba urukundo amahoro no gutetesha mu rushako rwawe, ntutekereze ko uzagira urugo rwiza.

Nta rukundo rw’ubuntu rubaho hagati y’abashakanye, ntabwo wavuga ko ukunda udatanga cyangwa ngo ugire ibyo wigomwa.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved