Ibintu abakire bagenderaho ngo badasesagura umutungo bifatwa nk’ubugugu

Yanditswe na Tombola Felicie
Kuya 12 Ukuboza 2017 saa 05:14
Yasuwe :
1 0

Kugera ku bukire ni umusaruro uturuka mu myitwarire n’imibereho ya buri munsi kandi kugira ngo ubyishimiremo ni uko uba ugomba kugira amahame ugenderaho mu buzima bwawe.

Abakire ba nyabo ntabwo bapfa kubaho gusa, hari ibintu birinda cyangwa imirongo bagenderaho mu buzima bwabo nk’uko urubuga elcrema rwabyanditse kugira ngo batazasubira inyuma aribo babigizemo uruhare.

Bahorana gahunda y’ibigomba gukorwa n’amafaranga abigenewe

Impamvu abakire bakora ikintu cyose bakurikije ingengo y’imari aba ari ukugira ngo batazakoresha amafaranga arenze ayateganyijwe.

Bituma bakurikirana bakamenya aho ifaranga ryose ryagiye ndetse bakirinda gutagaguza cyangwa se kwaya umutungo wabo.

Umuntu wese w’umukirire wa nyawe ureba kure ntajya akina n’ifaranga ahora agendera ku ngengo y’imari.

Ntabwo bahaha ibitari muri gahunda

Guhaha ibitari muri gahunda ni kimwe mu bintu bitwara amafaranga menshi abatari bake ndetse bamwe bikabagusha no mu bihombo.

Si ukuvuga ko guhaha ari bibi ahubwo ni uguhaha ukarenza amafaranga yagenewe guhaha ku kwezi cyangwa ku cyumweru kuko bigira ingaruka.

Abakire bo rero bandika ibintu bazakenera mu kwezi kose, bakabihaha barangiza bakibagirwa ibyo kongera kujya ku isoko.

Iyo yumvise agiye gucikwa ngo agure icyo atari yarateganyije, ajya ahantu akamara umwanya yibaza koko niba icyo kintu agikeneye maze akabona gufata umwanzuro wo kukigura cyangwa se kukireka.

Ntabwo bagendana ibikoresho bibikuza amafaranga

Abantu bagendana ibikoresho byo kubikuza amafaranga akenshi baba bashaka kwishyura mu buryo buboroheye kugura icyo bashatse aho bageze hose.

Abakire rero bazi ko igihe cyose ugendanye ibyo kubikuza nta kabuza ugura ibintu bitari ngombwa ndetse bidateganyijwe.

Bagendana udufaraga dukeya bikabarinda kuba bagura ibirenze ubushobozi bwabo kuko nta kundi baba bari bubigenze muri ako kanya.

Ntabwo babaho ku rwego rurenze ibyo binjiza

Ni abantu bagendera kuri gahunda bigatuma bamwe babita abanyabugugu. Ntabwo babaho ibirenze ubushobozi bwabo kugira ngo bashimishe abantu kuko bazi ko ibyo ntacyo bimaze.

Abakire babaho mu bushobozi bwabo, ntabwo bisumbukuruza ngo babeho uko batari.Birinda kuguza gukabije kandi bakarushaho kugira umuco wo kuzigama.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza