Ibisubizo bitabura mu kanwa k’Abakobwa iyo babajijwe impamvu badashaka

Yanditswe na Umutoni Rosine
Kuya 28 Ukuboza 2016 saa 02:24
45 31

Mu buzima busanzwe hari impamvu zitandukanye zishobora gutuma abakobwa batinda gushaka abagabo, ariko iyo abenshi ubabajije impamvu, hari ibisubizo usanga bahurizaho cyane.

Abakobwa bamwe baba bafite imyitwarire mibi, hari ababa bashira isoni, bagira amahane, banywa ibisindisha, bakomoka mu miryango ifite amateka mabi n’ibindi byinshi bishobora gutuma abahungu batabisukira.

Ibyo ariko ba nyir’ubwite bo ntibashobora kubikubwiraho, ahubwo iyo ushatse kumenya impamvu batinze gushaka, bafite ibindi bisubizo.

Inkuru y’urubuga elcrema igaragaza bimwe mu bisubizo bitangwa n’abakobwa iyo babajijwe impamvu batarashaka abagabo.

1. Kuba ndi ingaragu biranyuze

Nubwo bishoboka ko haba hari abakobwa banejejwe no kuba bakiri ingaragu ariko ngo hari n’abandi bihisha inyuma y’ibyo bagatanga icyo gisubizo iyo ubabajije impamvu batarashaka abagabo, kabone nubwo ngo baba birirwa barira bifuza ko babona abasore bakwita ababo.

2. ‘Ntegereje umugabo w’ukuri’ cyangwa ngo ‘Abagabo bose ni kimwe’

Nta muntu mu buzima utifuza umuntu ufite imico myiza kandi ibyo ni ukuri niko twese tumeze. Gusa iyo umukobwa agusubije ngo abagabo bose ni kimwe, sindabona uw’imico myiza, ngo aho haba hari ikibazo kuko nta buryo yabimenyamo ko ari babi igihe nta wuramutereta.

Ibyo ngo bikunda gusubizwa n’abakobwa baba bafite imyitwarire mibi maze aho kubona ko aribo bafite ikibazo ndetse gikwiriye gukosorwa bakihagararaho ko babuze umwiza.

3. Siniteguye gukundana

Icyo urubuga elcrema ruvuga ku bakobwa batanga ibi bisubizo, ngo ni uko iyo umusore abagannye, bamera nk’ababonekewe ndetse bagahita batangira gushyuha mu kanya gato cyane. Iki gisubizo rero ngo gitandukanye n’ukuri.

4. Nzaguma kubaho ndi ingaragu

Abakobwa bavuga ko bazaguma kubaho ari ingaragu na bo babaho. Bene abo bavuga ko gushaka bumva atari umuhamagaro wabo ngo ariko ikikwereka ko kwari ukwihagararaho ni uko ngo ibyo baba bavuga batabirambamo, kuko iyo babonye umusore ubabaza izina bahita bava mu byabo bagakundana birengagije izo mpamvu batangaga.

Ibyo ni bimwe mu bisubizo bifatwa nk’urwitwazo ku bakobwa iyo babajijwe impamvu badashaka abagabo, ubutaha tuzababwira n’iz’abahungu, igihe bahindutse ingaramakirambi.

Abakobwa iyo babajijwe impamvu batinze gushaka abagabo, batanga ibisubizo akenshi bifatwa nk'urwitwazo/ Photo: Internet

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE