Iby’ibanze byo kwitaho mu gihe wambaye ikote

Yanditswe na Habimana Jean Baptiste
Kuya 11 Gashyantare 2018 saa 12:32
Yasuwe :
3 4

Kwambara ukaberwa ntibisaba kugira ikofi iremereye ahubwo bijyana no kumenya kujyanisha imyambaro n’igihagararo cy’umuntu bidatana no guha agaciro sosiyete ubarizwamo.

Kuva mu myaka yo hambere, uwambaye ikote afatwa nk’umusirimu bitewe na sosiyete abarizwamo ndetse hakaba n’aho ahabwa agaciro gahambaye kurusha abandi bitewe n’uko agaragara muri rubanda.

Benshi bambara ikote bagasahinda, abandi bakabura umwifato nyamara abahanga mu by’imyambarire bashyizeho amabwiriza asa n’ahuriweho nk’icyita rusange ku bihebeye iyi myambarire.

Mu gihe wambaye ikote hari ibyo ugomba kwitaho uhereye ku buryo witwara ku giti cyawe no mu ruhame, imyambarire bijyana, ingendo ikuranga n’ibindi.

Bitewe n’ahantu n’igihe hari umuco uhurirwaho aho hari aho usanga abantu baharaye amakote y’ibifungo bibiri, asatuye inyuma cyangwa ku mpande ebyiri n’ayandi.

Iby’ingenzi byo kwitaho akenshi bijyana no kureba niba ingano ya karuvati ijyana no ku ijosi ry’ikote kuko iyo ari hato bigaragara neza ndetse byitwa ibigezweho mu gihe iyo habaye hanini benshi babibona nk’ibyataye igihe.

Iyo ugura ikote rikwegereye ureba niba mu bitugu rigukwira neza, kuko iyo umuntu yambaye ikote ritamufata cyangwa ngo ribe rimwegereye bigaragara nabi.

Impuguke mu by’imyambarire zitanga inama yo kwambara ikote ry’ikigina ku ishati y’umukara niba atari igihe cyo gushyingirwa.

Umukandara ukwiye kuba muto kandi uhuje ibara n’inkweto, biba byiza iyo risa n’iry’ikote.

Hari ibintu bifatwa nk’ibiciriritse ariko iyo ubyitayeho ufatwa nk’umusirimu ndetse aho wasohokeye bakakubona nk’umuntu usobanukiwe.

Mu gihe ugiye kwicara, biba byiza gufungura ibifungo by’ikote kuko utabikoze ushobora kuryangiza. Abahanga mu myambarire n’imitako, bavuga ko igifungo cyo hejuru ku ikote ry’ibifungo bibiri gikwiye kuba kiri ahagana hejuru.

Ukwiye kugenzura niba amasogisi wambaye ari maremare ku buryo amaguru ataza kugaragara mu gihe wicaye. Ikindi ni uko karuvati ikwiye kuba yijimye ugereranyije n’ishati wambaye.

Hari ingingo abantu bakunze kwambara amakote batumvikanaho, ivuga ko ikote rikwiye kuba rirerire kugira ngo ritwikire imashine y’ipantaro no ku kibuno. Akenshi usanga bamwe bahitamo ikote rirerire, abandi irigufi. Karuvati ikwiye kugera mu rukenyerero cyangwa ikaba ngufi cyane, kuko iyo iri hagati ntibigaragara neza. Abantu babira ibyuya cyane bagirwa inama yo kwambara isengeri buri gihe.

Abantu bambaye ikote hari ibintu by'ingenzi bakwiye kwitwararika

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza