Imfungwa yararusimbutse nyuma yo kumira inoti y’amashilingi ibihumbi 50

Yanditswe na IGIHE
Kuya 4 Ukwakira 2017 saa 06:18
Yasuwe :
0 0

Umugabo ufungiye muri imwe mu magereza yo muri Uganda, yaguwe nabi nyuma yo kumira inoti y’amashilingi ibihumbi 50 atinya ko azayafatanwa bikamuviramo ibindi bihano.

Iyi mfungwa izwi ku izina rya Sengigwa Sendodie yatangiye kugira ibibazo by’igifu nyuma y’icyumweru kimwe imize inoti, bituma itinyuka kubibwira abacungagereza kandi ko ikeneye kwitabwaho n’abaganga.

Sendodie yasobanuye ko yabanje kuzingazinga inoti mu isashi yoroshye mbere yo kuyimira ku wa 24 Nzeri 2017, akaba yarajyanywe mu bitaro bya Gulu aho ari kwitabwaho kuva kuri uyu wa Mbere.

Umukozi wo muri ibi bitaro utashatse ko amazina ye atangazwa yabwiye The Daily Monitor ko ubuzima bw’iyi mfungwa bumeze neza. Yavuze ko abaganga bagerageje kuyirutsa iyi mfungwa nyuma yo guhakana kuyibaga.

Umuyobozi wa gereza, Allan Okello yatangaje ko ibyo iyi mfungwa yakoze yabitewe n’ubwoba kuko ubusanzwe zitemerewe gutunga amafaranga muri gereza.

Bifatwa nk’icyaha ku mfungwa gutunga amafaranga nk’ikintu gishobora kubafasha gutoroka binyuze mu guha ruswa abacungagereza.

Iyi mfungwa ngo yari imaze ukwezi muri Gereza ya Lugore ivanywe mu Majyepfo ya Uganda.

Isanganya nk’iri si ubwa mbere ribaye muri gereza ya Lugore; muri Gashyantare umwaka ushize imfungwa yari ikatiye imyaka 14, yasanzwe yapfuye nyuma yo kumira ibiyobyabwenge bya marijuana ishaka kubihisha abayobozi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza