Indonesia: Abantu batatu bafungiye kurya inyamaswa yo mu bwoko bw’inguge

Yanditswe na Evariste Nsengimana
Kuya 16 Gashyantare 2017 saa 09:54
Yasuwe : XX
0

Polisi yo muri Indonesia yataye muri yombi abantu batatu bakekwaho kwica bakanarya inyamaswa yo mu bwoko bw’inguge(Orangutan).

Abafashwe bari abarinzi b’imirima y’ibihingwa byeraho amamesa, bakaba bishe iyi nyamaswa ubwo bayifataga igiye kona, mu kirwa cya Bornean.

Kwica bene izi nyamaswa muri iki gihugu, ni icyaha gihanwa n’amategeko mu rwego rwo kurengera ubuzima bwazo.

The Independant yatangaje ko abantu batatu bamaze gutabwa muri yombi abandi barindwi bakaba bari gukorwaho iperereza na polisi.

Kugira ngo aya makuru amenyekane, Polisi yatahuye amagufa y’inguge n’inyama z’imiranzi aho bazibitse, ku macumbi yabo.

Kompanyi zihinga zikanatunganya ingazi zirashinjwa kugira uruhare mu iyicwa ry’inguge, kuko ngo ziha abarinzi amategeko yo gukumira inguge zona, bivuze ko na bo iyo bahuye na yo baba bashobora kuyica banga ko yangiza ibihingwa.

Orangutan ni inyamaswa isa n’inguge ndetse zinahuje imiterere usibye ko inguge zidatinya kuba aho zihura n’abantu na zo ubwazo zikabana ari nyinshi ziri hamwe mu gihe Orangutan zo zikundira kuba mu bwigunge ndetse imiryango yazo ikaba mito.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza