Ingano y’umuvinyo abarwaye kanseri y’ibere bakwiye gufata

Yanditswe na Habimana Jean Baptiste
Kuya 7 Gashyantare 2018 saa 07:11
Yasuwe :
1 0

Abagore barwaye kanseri y’ibere bagirwa inama yo kutarenza ibirahure bibiri by’umuvinyo mu cyumweru, kandi bagasabwa gukora imyitozo ngororamubiri.

Ikigo Cyigenga cyita ku Buzima mu Bwongereza kizwi nka NICE (National Institute for Health and Care Excellence) cyatangaje ko abarwaye kanseri bashishikarizwa kugerageza gukora imiyitozo ngororamubiri ituma batakaza ibilo ku buryo bagira ibijyanye n’uburebure bwabo.

Abarwayi ba kanseri y’ibere kandi bagirwa inama yo gufata ibinini byongera imisemburo mu mubiri birimo ibizwi nka ‘Tamoxifen’ na ‘Aromatase’ nibura bakabifata imyaka icumi nyuma yo kubagwa.

Ubushakashatsi bwagaragaje ko gufata ibi binini mu gihe cy’imyaka icumi cyangwa irenga, bigabanya ubukana bwa kanseri ku kigero cya 34%.

Kugeza ubu kanseri y’ibere ni yo kanseri ihangayiyikishe kandi yibasira abagore cyane, ndetse mu Bwongereza buri mwaka hagaragara abarwayi bashya bagera ku bihumbi 55 nk’uko Daily Mail yabitangaje.

Muri uyu mwaka wa 2018, muri Leta Zunze Ubumwe za Amerika, ubwoko bushya bwa kanseri y’ibere bushobora kuvurwa abagera ku 1 735 350 mu gihe ababarirwa mu 609 640 bashobora guhitanwa na yo.

Abagore barwaye kanseri y’ibere bagirwa inama yo kutarenza ibirahure bibiri by’umuvinyo mu cyumweru

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza