Kigali: Bamwibiye ipantaro n’ishati ku ndaya ataha yambaye ubusa

Yanditswe na Kanamugire Emmanuel
Kuya 12 Ugushyingo 2016 saa 11:58
Yasuwe : XX
0

Umusore uri mu kigero cy’imyaka 27, bamwibye ishati n’ipantaro, amafaranga ibihumbi 4000 na telefone, ubwo yari aryamanye n’indaya ituye mu Kagari ka Gacyamo mu Murenge wa Gitega mu Karere ka Nyarugenge.

Saa saba n’igice zo mu ijoro ryo kuri uyu wa Gatanu tariki ya 12 Ugushyingo 2016, ni bwo uyu musore yaciye mu muhanda w’ahitwa kwa Mutwe yambaye akenda k’imbere gusa.

Ubwe yemereye Umunyamakuru wa IGIHE bari bahuye yambaye akenda k’imbere ko abamwibye bamusanze aryamanye n’indaya.

Yagize ati “ Ndakwinginze ntumfotore ndakubwira icyo ari cyo cyose ushaka, umva njye nari niryamaniye n’indaya, abantu basunitse urugi umwe ahita ankandagira mu mugongo ambaza impamvu naje kumusambanyiriza umugore mubwira ko ntari nzi ko afite umugabo, ni bwo abandi bahise bafata ipantaro yanjye n’ishati byari bimanitse na telefone ya Tecno baragenda.”

Akomeza avuga ko yanze kuvuza induru kugira ngo batamugirira nabi ndetse anavuga ko ibyamubayeho byamuhaye isomo rikomeye.

Yagize ati “ Ntakubeshye ubu nzinutswe icyitwa indaya kuko n’ibi bimbayeho ni isomo rikomeye.”

Umumotari wari hafi aho yavuze ko uyu musore atari we muntu wa mbere wibwe imyenda yari yambaye ari ku ndaya muri aka gace.

Yagize ati “ Uragira ngo se uyu ni we muntu wa mbere ibi bibayeho? Ibi ni ibintu duhora tubona, ahubwo umuntu uzi ubwenge ntiyajya ajya ku ndaya kuko na zo zikorana n’abajura cyane.”

Gusa uyu musore yagiriwe impuhwe na mugenzi we wari uri guteka capati, amutiza igikoti kirekire abona kwerekeza mu Murenge wa Muhima aho atuye.

Agace uyu musore yibiwemo ubwo yari mu ndaya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza