Kigali:Gusiga imyenda amavuta, amwe mu mayeri abazunguzayi bifashisha bashaka abakiliya

Yanditswe na Kanamugire Emmanuel
Kuya 29 Ukwakira 2016 saa 11:42
Yasuwe :
0 0

Abazunguzayi biganjemo abacuruza imyenda yambawe izwi ku izina rya caguwa basigaye bafite amayeri bifashisha bashaka kwigarurira abakiliya, arimo gusiga imyenda amavuta bashaka kugaragaza ko ari mishya.

Mu bice bitandukanye bigize Umujyi wa Kigali iyi ngeso abazunguzayi barayigira, bagamije kujijisha abaguzi.

Bamwe mu barangurira imyenda mu isoko ryo mu Biryogo ho Murenge wa Nyarugenge babwiye IGIHE ko impamvu basiga iyo myenda amavuta ari ukugira ngo babone abaguzi kubera ko bituma irushaho kugaragara neza.

Kabana John umenyerewe ku izina rya Nzovu yagize ati “ Nyine umuntu abikora kugira ngo ayungukemo amafaranga menshi kubera ko iyo uyisize igaragara neza cyane amapantaro y’umukara.”

Bikorimana René we agize ati “ Rwose nanjye sinakubeshya tuyisiga amavuta rimwe na imwe tukanayitera amazi kugira ngo ise neza cyane kurusha uko yasaga ariko nyine byose tubiterwa n’uko tuba dukeneye amafaranga yihuse.”

Iyi ngeso yatumye hari abazinukwa kugura imyenda yo mu muhanda

Kanimba Innocent utuye ku Kimisagara yavuze ko yazinutswe kugura imyenda yo mu muhanda kubera impamvu nyinshi.

Yagize ati “ N’iyo wambwira ko umpa amafaranga ngo ngure umwenda wo mu nzira sinshobora, kuko icya mbere uwugura utawipimye wagera mu rugo ugasanga utagukwira. Ikindi hari igihe ugura nk’ikoboyi waca mu muhanda umukungugu wose ukakuzuraho kubera uburyo baba bagiye bayisiga amavuta.”

Philipe Nzayire, ushinzwe ubuziranenge muri RSB, yabwiye IGIHE ko abaguzi bakwiye kujya bagura iyo myenda ya caguwa babanje kuyireba no gushishoza.

Yagize ati “ Ubundi iby’imyenda ya caguwa ntabwo biri mu buziranenge kuko iyo myenda iba yarambawe kandi ikintu cyose cyambawe ntikiba cyujuje ubuziranenge, gusa ku bwanjye mbona abaguzi ari bo bakwiye kugira uruhare n’ubumenyi bw’ibyo baba bashaka ku buryo nta mucuruzi ukwiye kubaha ibyo badashaka.”

Gusa bamwe mu baturage banavuga ko hari n’abacuruzi bacuruza amakoti yirabura bakayasiga imiti y’inkweto ya Kiwi kugira ngo yirabure cyane mbere y’uko bajya kuyagurisha.

Uyu mucuruzi ari gusiga imyenda amavuta

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza