Kigali: Imbabura z’ijoro zitunze benshi

Yanditswe na Uwishyaka Jean Louis
Kuya 12 Ukwakira 2016 saa 08:34
Yasuwe :
0 0

Mu gihe Leta y’u Rwanda idahwema gushishikariza abaturage bayo kwihangira imirimo, hari abahisemo kubyaza umusaruro imbabura cyane mu masaha y’ijoro, bateka cyangwa botsa ibiribwa bitandukanye.

Bamwe mu baturage biganjemo urubyiruko batuye mu bice bitandukanye by’Umujyi wa Kigali nka Nyamirambo, Kimisagara, Gatsata,Muhima, Biryogo, Remera, Nyakabanda n’ahandi, bavuga ko bihangiye imirimo yo kubyaza umusaroro imbabura kugira ngo baticwa n’inzara.

Brochette zokeje zigura amafaranga 100, Isambaza n’amafi bikaranze, capati na Speciale, ibigori, icyayi n’ikawa ni bimwe mu byo aba bacuruzi bakunze gucuruza mu masha y’ijoro.

Mu kiganiro bamwe muri aba bacuruzi bakora mu masaha y’ijoro bagiranye na IGIHE, bavuga ko bahisemo kwihangira akazi ko gutekera abantu mu masaha y’ijoro kuko ari bwo babona amafaranga menshi ugereranije n’ayo abakora ku manywa babona.

Mutuyimana Ramadhan ucuruza icyayi na capati, ukorera ahitwa kwa Mutwe, mu Murenge wa Gitega, yemeza ko mu ijoro rimwe akorera amafaranga atari munsi y’ibihumbi 10.

Yagize ati “Maze imyaka itanu ntangiye aka kazi ko guteka za Special n’icyayi nijoro kandi sinshobora kukareka bitewe n’uko nagakuyemo inzu y’ibyumba bitatu n’uruganiriro n’inka, biri i Muhanga.”

Yakomeje avuga ko yahisemo gucuruza nijoro kubera ko yasanze ari bwo abona amafaranga menshi kurusha ayo yabonaga agikora kumanywa.

Umutesi Carine ucuruza isambaza zikaranze mu Murenge wa Rwezamenyo, avuga ko ku kwezi adashobora kubura amafaranga ibihumbi 80 y’inyungu abika.

Yagize ati “ Njye sinkubeshye ntunzwe n’imbabura ya nijoro kuko ni yo ituma mbona ibyo gutunga abana banjye kubera ko buri joro ituma ntahana amafaranga agera ku bihumbi bitatu.”

Aba bacuruzi bemeza ko bafite icyizere cy’uko igihe abanyakigali bazatangira kugira umuco wo gukora amasaha 24 kuri 24 inyungu babona iziyongera kubera urujya n’uruza rw’abantu batandukanye bazajya babagana.

Abacuruza mu masaha y'ijoro baba bacuruza ibiribwa birimo brochette z'amafaranga 100
Abakora uyu murimo bavuga ko umaze kubageza kuri byinshi
Bemeza ko bahisemo gukora ijoro kuko ari bwo babona abakiriya benshi
Bavuga ko babona abakiriya, gusa ngo barushaho kwiyongera abantu bakangukiye gukora amasaha 24/24

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244