Kwamamaza

Koreya y’Epfo:Perezidansi yemeye ko yaguze imiti yongera ubushake bwo gutera akabariro

Yanditswe kuya 27-11-2016 saa 16:48' na Nsengimana Evariste


Ibiro by’Umukuru w’Igihugu muri Koreya y’Epfo, byemeye ibyatangajwe n’umudepite wo mu ishyaka ritavuga rumwe na Leta wavuze ko Perezida Park Geun-hye, yaguze ibinini 360 bya Viagra bisanzwe byifashishwa n’abagabo mu kongera ubushake bwo gukora imibonanao mpuzabitsina, mbere y’uko agirira uruzinduko mu bihugu bya Afurika muri Gicurasi uyu umwaka.

Ibiro ntaramakuru by’Abafaransa (AFP), bivuga ko ku wa Kabiri w’iki cyumweru, ari bwo uwo mudepite yatangaje mu Ukuboza umwaka ushize Perezida Park yaguze imiti irimo ibinini bya Viagara.

Aya makuru yakwiriye ku mbuga za internet agateza amagambo menshi, Perezidansi iyasobanura ivuga ko ibi binini (viagara) kimwe n’indi miti yaguzwe mu rwego rwo guhangana n’ibibazo byari guterwa no kubura umwuka ku bantu bari kujyana na Perezida Park mu ruzinduko yari kugirira muri Kenya, Ethiopia na Uganda, ibihugu byose yari kugeramo akoze urugendo rurerure hejuru y’inyanja.

Jung Youn-kuk, Umuvugizi wa Perezidansi ya Koreya y’Epfo, yatangaje ko nubwo ibyo binini byaguzwe, ngo nta na kimwe kigeze gikoreshwa muri uwo rugendo. Yavuze ko byaguzwe kugira ngo byorohereze abari bagiye kujya muri urwo rugendo kudafatwa n’indwara zari guterwa n’ubutumburuke buri hejuru bw’inzira bari gucamo.

Ati “Ibyo binini twabiguriye urwo rugendo, ariko ntitwigeze tubikoresha. Park nta mugabo yigeze ashaka, nta n’undi mugabo uzwi bari kumwe.”

Ibi bije mu gihe Perezida Park ari mu mazi abira ashinjwa gukorana bya hafi n’inshuti ye Choi Soon-Sil ukurikiranyweho ibyaha bya ruswa, ibintu byamaganwe n’abatavuga rumwe n’ubutegetsi na bamwe mu bo mu ishyaka rye rya Saenuri.

Ibi byatumye ibihumbi by’abanyagihugu bigabiza imihanda basaba ko Perezida Park yegura ku mwanya w’Umukuru w’iki gihugu yagiyeho mu 2013.

Perezidansi ivuga ko nubwo ibi binini byaguzwe nta na kimwe cyakoreshejwe

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved