Maroc: Abishimiye urupfu rwa Ambasaderi w’u Burusiya muri Turukiya bakatiwe gufungwa umwaka

Yanditswe na IGIHE
Kuya 15 Nyakanga 2017 saa 09:40
Yasuwe :
0 0

Urukiko rwo mu mujyi wa Rabat muri Maroc rwakatiye igihano cyo gufungwa umwaka, abantu batandatu bishimiye urupfu rwa Ambasaderi w’u Burusiya muri Turukiya wishwe mu Ukobaza 2016.

Ikinymakuru MAP cyatangaje ko aba batandatu bose b’urubyiruko bashinjwa kwishimira urupfu rwa Andreï Karlov babinyujije kuri Facebook. Barimo n’abari mu ihuriro ry’urubyiruko rubarizwa mu Ishyaka riharanira ubutabera n’iterambere, PJD.

Uretse igihano cyo gufungwa umwaka umwe, banaciwe amande y’ama-Euro 100 buri wese, kubera ko ibyo bakoze bifatwa nko guhamagarira abantu gukora ibikorwa by’iterabwoba.

Umwunganizi wabo mu mategeko, Abdessamad El Idrissi na we ubarizwa muri PJD yavuze ko mu rubanza rw’uru rubyiriko harimo gukabya no kurengera.

Maroc isanzwe ifitanye umubano wihariye n’u Burusiya, n’ubufatanye mu bikorwa bitandukanye birimo n’umutekano.

Indabo zashyizwe kuri Ambasade y'u Burusiya i Ankara muri Turikiya nyuma y'urupfu rwa Ambasaderi Andreï Karlov, umwaka ushize

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza