Kwamamaza

Menya uko isosi y’isambaza itegurwa

Yanditswe kuya 4-11-2016 saa 19:53' na Tombola Felicie


Nubwo gutegura isosi y’isambaza ari ibintu bitagoye, bishoboka ko hari abazirebera kure batamenya kuziteka, bitewe n’uko bakuze batazibona cyangwa batigeze babigerageza.

Mu gufasha abafite icyo kibazo, twegereye umuyobozi wa Restaurant Veni Vidi, Mwamini Delphine adusobanurira uburyo isambaza zitekwa, ukaba wazirya zumutse cyangwa se ukaba wazikoramo isosi.

Mwamini ati” Gutegura isambaza ubwazo, cyangwa kuzikoramo isosi ntabwo ari ibintu bigoye, ntibisaba ibintu byinshi umuntu wese atapfa kubona.Usanga n’ubundi ari bya bindi dukoresha mu guteka bisanzwe.”

Ibyo wakenera ugiye guteka nk’ikiro kimwe cy’isambaza

- Ifarini ibiyiko bitanu cyangwa chapelure (utuvungukira tw’imigati)
- Amavuta agereranyije
- Inyanya
- Igitunguru kimwe kinini
- Poivre ebyiri
- Sereri
- Tungurusumu
- Umunyu

Uko bikorwa

Ufata isambaza wazogeje neza ukazisiga agafarine gake cyangwa chapelure;

Iyo ubirangije ufata amavuta menshi ukayacamutsa warangiza ugashyiramo za sambaza wasize agafarini cyangwa chapelure zikarengerwa nk’uko uteka ifiriti.

Iyo zimaze kumuka neza zihiye uzikura mu mavuta ukazishyira ku isahane isukuye ;

Kugira ngo ukore isosi noneho, ufata indi safuriya ugashyiramo utuvuta duke, ugakaranga bya birungo ni ukuvuga igitunguru, puwavuro, sereri n’inyanya maze ugasukamo za sambaza wabanje kumutsa mu mavuta.

Uragaragura, byamara gufata irangi ugashyiramo amazi aringaniye bitewe n’ibirungo washyizemo maze byamara kubira neza ukarura mu gisorori cyabugenewe ugategura ameza.

Iri funguro ni byiza kurigabura rigishyushye kuko isosi yose yahoze itaryoha.

Iyi sosi y’isambaza ushobora kuyirisha ubugali, kawunga, umuceri cyangwa ikindi cyose ukunda.

Mwamini avuga ko igihe udashaka kuzikoramo isosi ushobora guhita uzirya nk’uko umuntu arya ifiriti cyangwa ukaba wategura indi sosi ku ruhande bitewe n’icyo ushaka kuzirisha noneho ukazirya zumutse.

Isambaza iyo zimaze kuva mu mavuta ni uku ziba zisa
Isambaza ushobora kuzirya zumutse cyangwa zigakorwamo isosi
Isosi y'isambaza iroroshye kuyitegura
Isambaza ushobora kuzirisha ifiriti

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved