Misiri: Umugore wa mbere ku Isi wari ufite ibiro byinshi yitabye Imana

Yanditswe na Tombola Felicie
Kuya 26 Nzeri 2017 saa 09:34
Yasuwe :
1 0

Eman Ahmed Abd El Aty, umugore wo mu Misiri wabarurwaga ko ari we wa mbere ku Isi mu kugira ibiro byinshi kuko yapimaga ibiro 500, yitabye Imana ku myaka 37.

BBC yatangaje ko uyu mugore yagize ikibazo cy’impyiko n’umutima nyuma y’uko muri Werurwe uyu mwaka yari yaragiye kubagirwa mu Buhinde kugira ngo abe yagabanya ibiro.

Abaganga bo ku bitaro bya Burjeel mu Mujyi wa Abu Dhabi muri Leta Zunze Ubumwe z’Abarabu aho uyu mugore yaguye, batangaje ko urupfu rwe rwaturutse ku biro bye byinshi byateje indwara y’umutima ndetse no kudakora neza kw’impyiko.

Ibitangazamakuru byo mu Misiri bivuga ko nyuma ya Werurwe ubwo yavaga kubagwa mu Buhinde yari yagabanutseho ibiro 300 muri 500 yari afite ariko bikaba bitamubujije gupfa kuko ubuzima bwe bwakomeje kuzamo ibibazo.

Uyu mugore witwa Eman Ahmed yafashe icyemezo cyo kujya kubagwa amaze imyaka 25 adashobora kuva mu rugo kubera ikibazo cy’umubyibuho ukabije.

Eman Ahmed Abd El Aty yitabye Imana

tombola@igihe.com


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza