Twisekere:Minaloc, Mineduc, Minisante na Minicom ndazizi;mwambwira iyo yindi ikorera he?

Yanditswe na Kanamugire Emmanuel
Kuya 14 Ukwakira 2016 saa 03:29
Yasuwe : XX
0

1.Mafene nyuma y’igihe gito agiye gukora akazi ko mu rugo, yagiye guhaha biba ngombwa ko atega imodoka zitwara abagenzi. Ageze mu modoka abantu bose batuje, aratangira ati “Ubu rero hari ikintu maze iminsi nibaza.” Abagenzi barahindukira baramubwira bati ‘tubwire ibyagucanze.’Ati “Minaloc ndayizi, Mineduc ndayizi,Minisante na Minicom ndazizi, mwambwira Minibus ari iyihe Minisiteri?”

2.Mu itorero rimwe barimo basenga nuko babona hinjiye itsinda ry’abantu bafite intwaro, barababwira bati ‘Tuje kubica mwese turakurikiza uko amazina yanyu akurikirana.

Umwe mu bakiristu ati “Muhere kuri uriya ucuranga yitwa Alegisi.” Umucuranzi ati “Wimbeshyera nitwa Zalegisi”. Uyoboye korali ati “Muhere kuri pasiteri yitwa Emmanuel”.Pasiteri ati “Burya bwose ntimuzi amazina yanjye!Nitwa Zamanweli, ahubwo wowe witwa Joseph, undi agwa mu kantu ati ‘Njye nitwa Zoseph’. Nuko abaje kubica babonye bakomeje kwitana ba mwana bati “Twari twibeshye turahera ku mazina atangirwa n’inyuguti za nyuma.

3.Nyina wa joriji agire atya afate ikayi ngo ari kumusubirishamo amasomo, ahera ku isomo ry’imibare aramubaza ati “2+2 ni kangahe? Joriji atazuyaje ati “ni kabiri.”Nyina n’umujinya mwinshi ati “Wa cyana we uba wagiye gukora iki ku ishuri?” Se wa joriji aba arinjiye ati “Ko mutongana bite?” Umugore ati “Uyu mwana mubajije 2+2 biramunanira!” Se wa joriji ati “Ariko ubundi Mada(madamu) wowe ni kangahe? Umugore n’ubwira bwinshi ati ni 22.” Umugabo aramwenyura ati “Iyo nsanga na we utabizi wari kumbona.”


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza