Twisekere:Umugabo mu ijwi rituje ati “muvemo unjyemo”

Yanditswe na Umutoni Rosine
Kuya 16 Gashyantare 2017 saa 12:22
Yasuwe :
0 0

Umugore n’umugabo we bari bicaye mu ruganiriro bareba televiziyo batuje, hashize umwanya telefone y’umugore irasona bohereje ubutumwa bugufi, umugabo aba arasimbutse ngo ajye kuyifata abusome, umugore nawe aba arasimbutse barayirwanira.

Hashize umwanya umugore aba acitse intege umugabo amwambura telefone, umugabo afungura ubutumwa n’ingoga asanga buragira buti “hello, ryoherwa mukiriya mwiza pack yawe yarangiye ushobora kugura indi.”

2.Umugabo wiyitaga umunyamasengesho yagiye gusengera umuntu wari urwaye abadayimoni, amugezeho arasenga arasengaa, ageraho abaza dayimoni ati “Dayimoni we urashaka iki kuri uyu muntu, vuga vuba icyo umushakaho ntarakwirukana muri we.

Dayimoni iti “Ndashaka kumuha miliyari y’amadorali. Wa mugabo wasengaga mu ijwi rituje ati “Muvemo unjyemo.”

3.Umwarimu mu ishuri amanika ikaramu ati "Iyi karamu murayibona?" Abanyeshuri bati ‘yeeee’. Amanika ikayi ati ‘murayibona ?’ bati ‘yego, turayibona’.Amanika ingwa ati ‘na yo murayireba?’ Bati ‘yego mwari.’ Ati “Nonese Imana murayibona?” bati ‘oya’ Ati ‘ni ibigaragara ko nta mana ibaho rero!’”

Umunyeshuri umwe arahaguruka ati ‘Amaso ya mwarimu murayabona?’ Bati ‘yee’. ‘Umutwe we murawubona ?’ Bati ‘cyane.’ Ati ‘ubwenge bwe se murabubona?’ Bati ‘oya’ .Ati ‘ni ibigaragaza ko nta bwenge bubaho rero.’”


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza