Kwamamaza

U Bubiligi: Umupolisi afunzwe azira gutwika umuntu ku myanya y’ibanga

Yanditswe kuya 1-12-2016 saa 12:42' na Jean Pierre Tuyisenge


Urukiko rw’Iremezo mu Mujyi wa Liège mu Bubiligi rwahanishije igifungo cy’amezi 10 umupolisi watwitse ku myanya y’ibanga umusore w’imyaka 26, wari mu itsinda rikora ibikorwa by’urugomo ryari rihanganye na Polisi yo muri iki gihugu.

Uyu watwitswe yari mu itsinda ry’abasore bakundaga guteranira ahantu hamwe mu masaha ya nimugoroba, bagasakuza cyane, ndetse bakabangamira cyane inzego za polisi zakundaga kuba ziri gucunga umutekano.

Ibi byabaye muri Nzeri 2015, mu gace ka Chaudfontaine mu Bubiligi ubwo abapolisi bahuruzwaga n’abaturage bari barambiwe urusaku rw’aba basore, biruka bajya kureba ibibaye, bakihagera batangiye gusagarirwa n’izi nsoresore zo muri uwo Mujyi, babatuka, ndetse bakabatera ibikoresho bashyiramo imyanda (Poubelle).

7 sur7 dukesha iyi nkuru itangaza ko uyu musore wari afite akamenyero ko kwikora ku bugabo bw’epfo, yaje kwangirika ndetse ashya kuri iki gice nyuma y’uko Polisi ibateye imyuka iryana mu maso mu guhosha izi mvururu.

Mu rwego rwo kwirwanaho, umwe mu ba polisi yakoresheje umwuka uryana mu maso bita spray lacrymogène, umusore atangira kwihanagura mu maso akoresheje ikiganza, nyuma aza kwikora ku myanya y’ibanga niko gutangira gushya.

Uyu mupolisi yahise ahabwa igihano cyo gukora akazi k’amasaha 175. Nyuma nibwo urukiko rwamuhanishije igifungo cy’amezi 10.

Umwavoka we, Me Simonis yasabye ko yahabwa imirimo nsimburagifungo cyangwa agacibwa amafaranga. Urubanza ku ifungwa n’ifungurwa ruzasomwa ku wa 29 Ukuboza.

Igikoresho kirimo umwuka abapolisi bakoresha bahosha imvururu

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved