U Bufaransa: Umugenzi yafatanywe impiri nzima mu mizigo ye

Yanditswe na IGIHE
Kuya 25 Kanama 2017 saa 10:04
Yasuwe :
0 0

Inzego ga gasutamo i Roissy mu Bufaransa zatahuye impiri yari mu mizigo y’umugenzi wari uturutse ku mugabane wa Afurika muri Benin.

Iyi nzoka yatahuwe ku wa Mbere w’iki cyumweru iri mu gasanduku, mu gihe cyo gusaka imizigo y’abagenzi ku kibuga cy’indege cya Roissy ndetse yari nzima nk’uko byatangajwe n’ikinyamakuru Le Parisien.

Iyi nzoka yari ifite uburebure bwa metero imwe na santimetero 50 ikaba yari mu gasanduku gakoze mu mbaho. Nyirayo wari uturutse i Cotonou muri Benin abajijwe ikiri muri ako gasanduku yasobanuye ko ari ‘isabune y’umukara’.

Inzego za gasutamo kuri iki kibuga cy’indege zifashishije inzobere mu buzima bw’inyamaswa zirayisuzuma zisanga ari ntaraga zemeza ku ishyirwa ahagenewe inyamaswa nto ngo ibe yitabwaho by’agateganyo mu gihe hagisuzumwa ibyayo na nyirayo.

Inzoka yasanzwe mu mizigo y'umugenzi ku kibuga cy'indege mu Bufaransa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza