U Buhinde: Abana bakuze bafatanye imitwe

Yanditswe na Mukaneza M.Ange
Kuya 8 Nyakanga 2017 saa 04:39
Yasuwe :
0 0

Umuryango wo mu Buhinde ufite abana b’impanga bavutse imitwe yabo ifatanye ufite icyizere cy’ubuzima bwiza, nyuma y’aho abaganga bemeye kuzababaga bakabatandukanya.

Muri Werurwe 2015, nibwo Pushpanjali Kanhar w’imyaka 25 n’umugabo we babyaye abahungu babiri b’impanga ariko bavuka imitwe yabo ifatanye.

Ibizamini byo kwa muganga byemeje ko nubwo imitwe yabo ifataniye mu gice cyo hejuru, Honey na Sing bafite ubwonko butandukanye.

Nyuma y’imyaka ibiri uyu muryango utuye muri leta ya Orissa mu Burasirazuba bw’u Buhinde ugerageza gushakisha umuganga udahenze wabafasha, wageze aho ucika intege ndetse utangira kwiheba ko aba bana batazigera bavurwa.

Nk’uko Daily Mail yabyanditse, kuri ubu uyu muryango uri mu byishimo nyuma y’uko ubuyobozi bwa Orissa butangarije ko bwiteguye gutanga ubufasha, aba bana bagakurikiranwa n’inzobere z’Ivuriro rya AIIMS riri mu Mujyi wa New Delhi.

Nubwo aba bana babonye ubufasha ngo bavurwe, Dr Swapneshwar Gadnayak ushinzwe ubuvuzi mu gace batuyemo yavuze ko hagomba gukorwa ibizamini byimbitse, kugira ngo barebe niba kubatandukanya nta ngaruka byagira ku buzima bwabo.

Uyu muryango usanzwe ufite abandi bana babiri bakuru ndetse bafite ubuzima bwiza.

Aba bana bavukiye mu muryango ukennye bafatanye imitwe
Guhaguruka bahagurukira rimwe
Abaganga bemeje ko nubwo bafatanye imitwe, bafite ubwonko butandukanye
Umubyeyi wabo abaheka ku bitugu bombi
Kuryama baba bahekeranye

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza