Kwamamaza

U Buhinde:Umukecuru afatwa nk’intangarugero ku bwo gukemura ikibazo cy’abituma ku gasozi

Yanditswe kuya 3-11-2016 saa 19:50' na Emma Marie Umurerwa


Umukecuru w’imyaka 105, utuye mu Karere kitwa Dhamtari yabaye icyitegererezo cyo kurwanya ikibazo cyo kwituma ku gasozi cyari cyarabaye umuco, nyuma yo kwiyubakira umusarane.

Aka karere gaherereye muri leta ya Chhattisgarh mu Buhinde aho abantu bari bamenyereye kwituma ku gasozi ariko Kunwar Bai Yadav aza kubabera icyitegererezo mu gukemura iki kibazo.

Kunwar Bai Yadav yagombye kugurisha ihene ze kugira ngo yubake umusarane wa mbere mu Murenge wa Dhamtari, nk’uko byatangajwe tariki ya 1 Ugushyingo 2016.

Uyu mukecuru amaze kumenyekana cyane kandi ari abaturanyi be ndetse n’abategetsi bo hejuru baramushaka ngo abafashe mu bukangurambaga bwo kurwanya kwituma ku gasozi.

BBC dukesha iyi nkuru yatangaje ko u Buhinde bwakozwe n’ikimwaro igihe imibare mishya yerekanaga ko miliyoni 550 z’abaturage- hafi kimwe cya kabiri cya miliyari irenga y’abatuye icyo gihugu, bituma ku gasozi.

Leta yahise itangiza igikorwa cyo gukangurira abantu kubaka imisarane kandi n’abategetsi bo muri leta boherejwe mu turere twitaruye gukangurira abantu inyungu ziri mu guhagarika kwituma mu bihuru n’amashyamba.

Uko niko uyu mukecuru, Kunwar Bai Yadav, wari umaze imyaka ijana yituma mu mashyamba amwegereye yamenye ibyo kubaka imisarane umwaka ushize ku nshuro ya mbere mu buzima bwe.

Yagize ati “ Umuyobozi ku rwego rw’Akarere yari yasuye ishuri riri hafi aha, umwaka ushize, nanjye njyayo kumva icyo avuga. Nasanze avuga ku byo kubaka imisarane, sinari narigeze mbyumva na rimwe kandi nta n’igitekerezo nari mbifiteho, ariko ibyo yavuze byamfashije gutekereza bundi bushya.”

Yadav utarigeze yiga ishuri na rimwe akaba atagira n’icyemezo cy’amavuko biragoye kumenya ukuri kw’imyaka ye mu gihe avuga ko afite 105 ariko iminkanyari mu ruhanga no kuba atakibona ni bimwe mu bigaragaza ko aramye.

Mu myaka yashize uyu mukecuru yatanze ubuhamya ko integer nke zitari zigituma abasha kujya kwituma mu ishyamba ndetse yari amaze kugwa inshuro ebyiri bikamuviramo gukomereka.

Ati “Nibwiye ko ndamutse nubatse umusarane mu rugo byankemurira ibibazo byinshi. Ariko nta mafaranga nari mfite bituma ntekereza uburyo nabona ubwishyu bw’iki gikorwa. Mu mutungo wanjye nari mfite ihene 25, ngurishamo zirindwi ku madolari 270, ariko yari akiri make nuko ngobokwa n’umukobwa wanjye wari ufite ahantu akora nyakabyizi, yugwiza amafaranga yo kubaka umusarane.”

Uyu mukecuru asohotse mu bwiherero yubatse
Minisitiri w'Intebe w'u Buhinde ashimira uyu mukecuru ku gikorwa cy'indashyikirwa yakoze
Byasabye uyu mukecuru kugurisha ihene ze ngo abashe kubaka umusarane

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved