U Bushinwa bwubatse ikiraro cya mbere kirekire ku Isi

Yanditswe na Evariste Nsengimana
Kuya 3 Mutarama 2017 saa 10:47
Yasuwe :
0 0

U Bushinwa bwafunguwe ikiraro cyitwa ’Beipanjiang’ gifatwa nk’icya mbere kirekire ku Isi, kikaba gihuza intara ebyiri, bikaba byakozwe mu rwego rwo koroshya ingendo zakorwaga hagati y’izi ntara zombi.

Iki kiraro cyafunguwe ku wa Kane tariki 29 Ukuboza 2016, cyari kimaze imyaka itatu cyubakwa. Gihuza intara ya Yunnan n’iya Guizhou, zombi ziherereye mu Majyepfo ashyira u Burengerazuba bw’u Bushinwa.

Iki kiraro cyubatswe ku burebure bwa metero 565 (z’ubuhagarike) hejuru y’umugezi wa Nizhu River Gorge, uhereye muri ako gace. Abayobozi n’abatwara abagenzi muri izi ntara bavuga ko iki kiraro kizagabanya igihe cyakoreshwaga mu kuva mu ntara imwe ujya mu yindi nibura ho amasaha arenga ane nkuko bitangazwa n’Ibiro ntamakuru by’Abashinwa, Xinhua.

Iki kiraro gifite kilometero irenga y’uburebure, kikaba cyuzuye gitwaye akayabo ka miliyoni 144 z’amadorali.

U Bushinwa kandi bufite ibindi biraro birebire ku Isi birimo Sidu River Bridge na Puli Bridge, byombi bikurikira ikiri mu Bufaransa cyitwa Millau viaduct kireshya na metero 343 z’ubuhagarike na kilometero zirenga ebyiri z’uburebure.

Ikiraro cya Beipanjiang cyubatswe ku burebure bwa metero zirenga 500 uvuye ku mazi
Iki kiraro cyahise kiba icya mbere kirekire ku Isi
Iki kiraro kandi kitezweho koroshya ingendo hagati y'intara ebyiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244