U Buyapani: Umugabo yamaze imyaka 20 atavugana n’umugore ku bw’ishyari

Yanditswe na Jean Pierre Tuyisenge
Kuya 4 Mutarama 2017 saa 09:33
Yasuwe :
0 0

Umugabo wo mu Buyapani yamaze imyaka isaga 20 atavugisha ijambo na rimwe umugore we bafitanye abana batatu, bitewe n’ishyari yagiraga kubera kubona uko umugore we yita ku bana babyaranye.

Katayama Yumi,umufasha w’uyu mugabo yatangaje ko uyu mugabo avugisha abana neza ariko we yagira icyo amubaza agakoresha ibimenyetso yemera cyangwa ahakana.

Uyu mugabo yavuze ko impamvu atajya avugisha umugore we, abiterwa n’ishyari. Ati “Kuva twabyara, umugore wanjye aba ari muri byinshi yita ku bana. Numva ngize ishyari.”

Byamenyekanye nyuma y’aho Yoshiki, umuhungu wabo w’imyaka 18 yandikiye kimwe mu biganiro binyura kuri Televiziyo yo muri iki gihugu asaba ubufasha bwo kunga ababyeyi be. Ati “Papa ntajya avugisha mama, kandi we agerageza kumuvugisha nk’ibisanzwe.”

Uretse uyu musore, bashiki be babiri nabo bemeza ko batibuka igihe baba baherukira kumva ijwi ry’ababyeyi babo baganira.

Iyo Televiziyo yagerageje kunga uyu muryango iwutumira muri Pariki ya Nara, nyuma umugabo atangira kugenda avuga amagambo make make amusaba imbabazi.

Ati “Yumi, guhera ubu, ndabizi ntiwari worohewe ndashaka kukubwira ko nishimiye buri kimwe cyose.”

Abana babo babonye uburyo ababyeyi bongeye kuvugana bararira, maze basezerana kutazongera kubaho batavugana mu bihe byabo biri imbere.

Otou na Yumi ku munsi w'ubukwe bwabo
Umugabo yakoreshaga ibimenyetso mu gusubiza ibyo umugore yabaga amubajije
Abana bishimiye kongera kubona ababyeyi babo baganira nyuma y'imyaka 20 batavugana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244