U Bwongereza: Ubuhamya bwa Bailey, umukozi wo mu kabari wasabwe kuryamana n’abadepite 30

Yanditswe na Habimana Jean Baptiste
Kuya 13 Ugushyingo 2017 saa 11:19
Yasuwe :
0 0

Alice Bailey, wahoze akorera akabari kanyweramo abadepite yavuze ko abadepite bagera kuri 30 bamusabye ko baryamana, kandi abenshi muri bo bari basanzwe bafite abagore, mu gihe abandi bamurutaga kure.

Mu buhamya bwe, Alice Bailey yavuze ko hari umudepite wigeze kumusaba ko baryamana, akamuhakanira, maze yataha akamukurikira kugera amusanze mu mudoka agahita atangira kumukorakora umubiri wose, kandi uwo mudepite yari yanasinze.

Bamwe muri aba badepite ngo bamusabaga kuryamana na bo, bitwazaje icyubahiro n’ubudahangarwa bafite.

Bailey kuri ubu ufite imyaka 25, yavuze ko ubwo yatangiraga akazi mu mwaka wa 2011 hari umudepite wamusabye ko baryamana nta n’amasaha abiri arashira atangiye akazi.

Uyu mukobwa yavuze ko hari n’undi wigeze gusinda, hanyuma aramukurikira mu gutaha, agenda amukorakora, arangije amubwira ko n’iyo yamurega ntawabyemera ngo amwizere.

Uyu mukobwa yavuze ko hari igihe aba badepite banyuraga ku kabari bakabanza kunywa bakabona kujya mu nteko, akazi karangira bakagaruka. Hari n’igihe bamaraga umunsi wose banywa, bamara gusinda babaye ibyatsi bagatangira kumumerera nabi bamusaba ko baryamana.

Hari ngo n’umudepete wari ukuze wigeze kumara umunsi wose anywa, maze mbere yo gutaha atumira Bailey ngo azamusure, undi arabyanga.

Yagize ati “Yari akuze cyane ku buryo yanganaga na Sogokuru. Nari mfite umuhungu w’inshuti yanjye, ku buryo uwo mugabo nahise muhakanira ntazuyaje.”

Alice ngo amaze gukinga akabari ngo atahe, uwo mugabo yaramukurikiye atashye, ubundi yicaye mu modoka atangira kumukoraho buhoro buhoro ku matako. Alice yavuze ko kwihangana byamunaniye agahita amutuka.

Bailey yakomeje kubaho muri ubwo buzima butari bumworoheye, kugeza ubwo yabibwiye abakoresha be, bamutera utwatsi banamubwira ko aramutse areze ntacyo byatanga, kandi nta mupolisi wakwizera ko ibyo avuga ari ukuri.

Uyu mukobwa avuga ko ahubwo hari nubwo abakoresha be bigeze kumusaba kwambara utwenda tugaragaza uko ateye.

Bailey yavuze ko yahoraga abona abadepite basinze kandi basomana n’abakobwa mbere yo kujya mu ngo zabo. Mbere y’uko areka akazi ko gukora mu kabari muri 2015.

Akurikije abadepite bashatse kuryamana na we, Bailey avuga ko bagera nko kuri 30 nkuko ikinyamakuru The Mirror cyabitangaje.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza