Londres:Yishyizeho igishushanyo cy’ipantalo bake aba aribo babona ko nta mwenda yambaye

Yanditswe na Mukaneza M.Ange
Kuya 22 Ukuboza 2016 saa 09:43
Yasuwe :
0 0

Nyuma yo kumara amasaha agera kuri abiri bashushanya ipantalo ku mubiri, umunyamideli wo mu Bwongereza, yazengurutse muri umwe mu mihanda yo mu mujyi wa Londres, abantu bake aba aribo babona ko nta mwenda yambaye.

Amashusho yashyizwe hanze na Daily Mail agaragaza uyu mukobwa witwa Kelly Klein azenguruka agenda mu muhanda, ku buryo utitegereje neza wagira ngo yambaye ipantalo yo mu bwoko bwa denim ariko imufashe cyane.

Nk’uko bigaragara muri aya mashusho abantu bagera kuri 12 gusa nibo babashije kubona ko uyu mukobwa nta mwenda yambaye, kuko bagiye bahindukira bakamwitegereza cyane.

Sarah Attwell wamushyizeho iki gishushanyo gikozwe nk’ipantalo amaze imyaka igera kuri 11 akora ibishushanyo ashushanya ku bantu, yabitangiye mu 2005.

Abantu 12 bonyine nibo bavumbuye ko uyu mukobwa nta mwenda yambaye
Yazengurutse Umujyi yishyizeho igishushanyo cy'ipantalo

Urifuza kuduha amakuru? Hamagara iyi nimero 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza