U Bwongereza: Yitiranyije ubwiherero n’umuryango usohoka bikerereza indege ho amasaha arindwi

Yanditswe na Iradukunda Serge
Kuya 10 Kamena 2019 saa 03:55
Yasuwe :
0 0

Umugenzi wari mu ndege ya Sosiyete yo Pakistan ishinzwe gutwara abantu n’ibintu mu ndege (Pakistan International Airlines) yitiranyije umuryango usohoka n’ubwiherero bikerereza indege ho amasaha arindwi.

Byabaye kuwa Gatanu w’icyumweru gishize ubwo abagenzi bari bamaze kwicara muri iyo ndege yagombaga guhaguruka ku kibuga cy’indege cy’i Manchester mu Bwongereza yerekeza muri Pakistan..

Umugenzi yagiye kwiherera, aho gufungura umuryango ujya mu bwiherero afungura umuryango witabazwa iyo indege igize ikibazo.

Umuvugizi wiyi sosiyete yabwiye CNN ko abagenzi 40 bahise basohorwa mu ndege igitaraganya, kubw’amahirwe ntihagira n’umwe uhakomerekera.

Ibi si ubwa mbere bibaye kuko muri Gicurasi uyu mwaka hari umugenzi wafashwe ndetse afungirwa mu ntara ya Shandong mu Bushinwa nyuma yo kugerageza guhungabanya umutekano w’indege afungura umuryango wayo ubwo yari irimo kugwa ku kibuga.

Umugenzi yagiye kwiherera, aho gufungura umuryango ujya mu bwiherero afungura umuryango witabazwa iyo indege igize ikibazo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza