Ubuhanga bwa Hababajintwari utwara moto ayihagaze hejuru (Video)

Yanditswe na Thamimu Hakizimana
Kuya 24 Ukuboza 2016 saa 11:28
45 31

Hababajintwari David w’imyaka 23 uvuka i Kabuga mu Murenge wa Rusororo mu Karere Gasabo, ni umumotari ukorera mu bice bitandukanye by’Umujyi wa Kigali umaze kwandika izina mu gutwara moto bitewe n’umwihariko abikorana.

-  Uyu mugabo atwara moto mu buryo budasanzwe

-  Ayitwara atayikozeho cyangwa akayigaramaho mu buryo butandukanye

-  Iyo ari kuri moto abantu bose baramushungera bagafunga imihanda

-  Yaretse akazi k’ubumotari kubera ko basigaye bamwita umuzimu

Hababajintwari David atangarirwa n’abamureba ari kuri moto bitewe n’uburyo ayitwara ayihagaze ku mahembe cyangwa ayiryamyeho atayafashe, kuyigurutsa ikagendera mu kirere, kuyivaho ikijyana akayirukaho, kuyitwara yipfutse mu maso ndetse no kuba yayitwara ibirometero byinshi ayihagazeho areba inyuma.

Mu kiganiro yagiranye na IGIHE, yavuze ko ubumenyi bwo gutwara moto nta muntu wabumwigishije ahubwo yagiye abuvumbura umunsi ku wundi.

Yagize ati “ Nta muntu wabinyigishije ahubwo nabimenye kubera ko nakundaga imikino yo gutwara moto, natangiriye ku igare kuko nari umunyonzi nkajya ndivumburiraho utuntu dutandukanye noneho nza kubona uruhushya rwo gutwara moto ntangira kujya nyigiraho buhoro buhoro.”

Avuga ko buri munsi avumbura utundi dushya ndetse yifuza ko mu Rwanda hajya haba amarushanwa ya moto kugira ngo n’abo bagaragaze impano zabo.

Hababajintwari yemeza ko yaretse akazi k’ubumotari kuko bamwe muri bagenzi be bari basigaye bamufata nk’ukoresha ingufu z’ikuzimu.

Yagize ati “Ntabwo nkiri umumotari narabiretse kuko hari igihe najyaga gutwara umugenzi abandi bamotari bagenzi banjye bagahita bamubwira ko nkorana n’imbaraga z’ikuzimu ngo ngurutsa moto umugenzi agahita yigendera mpitamo kubireka gutyo.”

Reba Video:

Ava kuri moto agahita atangira gukora siporo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE