Ubushakashatsi bwagaragaje ko kwiga byongerera umuntu igihe cyo kubaho

Yanditswe na Mfitumukiza Moïse
Kuya 10 Ugushyingo 2017 saa 02:12
Yasuwe :
0 0

Itsinda ry’abashakashatsi bo muri Kaminuza ya Edinburgh mu Bwongereza, ryatangaje ko ryavumbuye ko kwiga byongerera umuntu igihe cyo kubaho ugereranyije n’icyo yari kuzamara ku Isi.

Ubu bushakashatsi bwakorewe ku bantu barenga 600, 000 banareba uko igihe ababyeyi babo bamaze ku isi, bwagaragaje ko kumara igihe kinini wiga bifasha umuntu kubaho igihe kirekire naho kugira umubyibuho ukabije no kunywa itabi bikagabanya icyo gihe.

Aba bashakashatsi bagaragaje ko iyo umaze umwaka wiga haba mu ishuri cyangwa ibindi bintu bishya bikongerera nibura amezi 11 ku minsi yawe yo kubaho.

Bemeje kandi ko iyo hari ikilo cyiyongereye ku mubyibuho ukabije usanganywe bigabanya amezi abiri ku gihe wari kuzamara, ndetse berekana ko iyo unywa ipaki y’itabi ku munsi utakaza imyaka irindwi ku gihe wari kuzabaho.

Icyakora ku banywa itabi haracyari amahirwe kuko iyo uriretse ukihatira kwiga cyane, igihe cyawe cyo kubaho kiriyongera ukaba warama nk’utarigeze arinywa.

Ubu bushakashatsi bwasohotse mu kinyamakuru gitangaza ibijyanye n’ubumenyi, Nature Communications.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza