Kwamamaza

Umudepite yaciwe mu itorero nyuma yo gutangaza ko afite Virusi itera Sida

Yanditswe kuya 30-11-2016 saa 21:37' na Cyprien Niyomwungeri


Umudepite mu nteko ishinga amategeko ya Zambia, Princess Kasune, yirukanwe mu itorero yasengeragamo azira kuvugira mu ruhame ko afite ubwandu bwa virusi itera Sida.

Kasune w’imyaka 40 ni umwe mu mpirimbanyi z’ibikorwa byo kurwanya Virusi itera Sida, yatorewe kuba umudepite muri Kanama uyu mwaka aturutse mu ishyaka ritavuga rumwe n’ubutegetsi.

Akunda kurangwa n’ishyaka ryo guharanira ko habaho igisekuru kitarangwamo ubwandu bwa Sida, ari naryo ryatumye afata icyemezo cyo kujya mu ruhame akavuga ubuzima bwe bwose cyane cyane uko afite virusi itera Sida akeka ko yandujwe n’umugabo we wapfuye dore ko n’abandi bagore babiri yari afite bapfuye.

Mu 1997 nibwo yipimishije asanga yaranduye, umwaka wakurikiyeho yiyemeza kubivuga mu ruhame atabivugaho rumwe n’umugabo we n’abandi bantu bari bashyigikiye imico yo kumva ko ari ikizira.

Nkuko yabitangarije BBC, uyu mudepite ngo yageze n’aho acibwa mu itorero yasengeragamo kubera gusuzugura umugabo we ku cyemezo cyo gukomeza guhishira ko afite virusi itera Sida.

Avuga ko n’umuryango we wamurwanyije kuri icyo cyemezo yafashe ariko yizera kuzabona Isi izira virusi itera Sida.

Ati “ Nzatinda mbone igisekuru kizira virusi itera Sida, ndanizera kubona umunsi umwe nta kato kagitangwa.”

Kasune yazengurutse Isi yose ahura n’abayobozi batandukanye barimo Bill Clinton na George W Bush bayoboye leta zunze ubumwe za Amerika n’Umunyamabanga wa Loni Ban Ki-moon.

Niwe mudepite wenyine mu nteko ya Zambia weruye avuga ko afite virusi itera Sida. Mu mbwirwaruhame ze akunda kwibutsa bagenzi be bagize inteko ishinga amategeko akamaro ko kwipimisha virusi itera Sida mu ruhame kugirango bitinyure n’abandi baturage babafatiraho urugero.

Muri Zambia abantu bagera kuri miliyoni 1.2 bafite virusi itera Sida, abari hagati y’imyaka 15-49 bangana na 12.9%, mu gihe abishwe na yo umwaka ushize ari ibihumbi 20, imfubyi zayo zitarengeje imyaka 17 zikaba ari ibihumbi 380.

Princess Kasume udaterwa ipfunwe no kuba afite virusi itera Sida

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved