Umufaransakazi yariwe n’ingona agerageza kuyifatiraho Selfie

Yanditswe na Cyprien Niyomwungeri
Kuya 2 Mutarama 2017 saa 01:28
45 31

Umukerarugendo w’Umufaransakazi, yariwe n’ingona ubwo yageragezaga kwifata Selfie ayegereye.

Uwo mugore w’imyaka 41, yariwe n’ingona ejo ku cyumweru muri pariki ya Khao Yai National Park yo muri Thailand iherereye mu Majyaruguru ya Bangkok, ahita ajyanwa kwa muganga ngo avurwe ukuguru yamurumye.

Nkuko L’Express yabyanditse, umukozi wa Pariki yasobanuye ko uwo mugore yashakaga kwifata ifoto, Selfie, iruhande rw’ingona.

Ati “Yashakaga kwifata Selfie iruhande rw’ingona yari iryamye ku nkuka y’umugezi. Bitunguranye, imuruma ku kuguru.”

Akomeza avuga ko uwo mugore yajyanwe kwa muganga ariko ubu bidakomeye cyane.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE