Umunyamahanga yagonze umumotari bananirwa kumvikana kubera ururimi

Yanditswe na Kanamugire Emmanuel
Kuya 29 Ukwakira 2016 saa 02:34
Yasuwe : XX
0 0

Umugabo w’umunyamahanga ukomoka muri Turikiya yagonze umumotari mu Mujyi wa Kigali rwagati bananirwa kumvikana kubera indimi zitandukanye bombi bakoreshaga.

Ahagana saa yine n’igice z’igitondo kuri uyu wa Gatanu tariki ya 28 Ukwakira 2016, ni bwo uwo Munyaturikiya yagonze umumotari ubwo yari arimo gukura imodoka ye muri Parikingi ( Parking).

Uwo munyamahanga yananiwe kumvikana n’umumotari yari amaze kugongera moto kubera ko batumvikanaga ku rurimi.

Ababonye iby’iyi mpanuka babwiye IGIHE ko batunguwe cyane n’uburyo aba bagabo bombi bamaze isaha irenga bananiwe kumvikana kandi impanuka yari yoroheje cyane.

Bavuga ko kimwe mu byatumye bananirwa kumvikana cyane ari uko uwo mumotari yarifuzaga kwishyurwa amafaranga agera ku bihumbi 30.

Uwo mumotari utarifuje ko izina rye ritangazwa akimara kugongwa, yavugaga ko nta kindi kintu na kimwe akeneye uretse guhabwa ibihumbi 30 cyangwa gukoresherezwa moto.

Uyu Munyaturikiya nyuma yo kumva ari gusabwa amafaranga menshi yatangaje ko yifuza ko polisi ari yo yaza gukemura icyo kibazo cyane cyane ko imodoka ye ifite ubwishingizi.

Gusa nyuma y’uko uwo mumotari aboneye ko adahawe amafaranga yasabaga, yaje kwakira ibihumbi bitandatu, amaze kubwirwa ko polisi nihagera ashobora kuyabura kubera ko moto ye itari yangiritse cyane.

Umunya-Turikiya yishyura umumotari nyuma yo kumugongera moto
Umumotari agaragaza ibyangiritse kuri moto ye
Abantu bari bahuruye bakurikirana ikibazo cy'aba bagabo
Moto ntiyangiritse bikabije ariko nyirayo yashakaga amafaranga menshi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE